Binulan a Mensahe ti Liahona , Nobiembre 2022
Panangtulong Kadagiti Napanglaw ken Marigrigatan
Dagiti Naadaw a Sao
Adu a serbisio iti welfare ken humanitarian iti padatayo a tattao ti isuro ken ar-aramiden ti Ti Simbaan ni Jesucristo dagiti Santo iti Ud-udina nga Aldaw ken datayo kas miembrona. Kas pagarigan, agayunotayo iti rugi ti kada bulan ken itulongtayo ti gatad ti ditayo nakan a taraon a pangtulong kadagiti agkasapulan iti mismo a kongregasiontayo. Dakkel pay ti maitulong ti Simbaan para iti humanitarian ken dadduma pay a serbisio iti intero a lubong.
Iti baet ti amin nga aramiden ti Simbaantayo, kaaduan a serbisio iti humanitarian kadagiti annak ti Dios iti sangalubongan ket ar-aramiden dagiti tao ken organisasion nga awan ti pormal a koneksionda iti Simbaantayo. …
Naikumit ti Simbaan ni Jesucristo iti panagserbi kadagiti agkasapulan, ken naikumit pay daytoy iti pannakitinnulong kadagiti dadduma iti dayta a panagkagumaan. …
Isuro ti moderno a paltiing a ti Mangisalakantayo, a ni Jesucristo, “ti pudno a silaw a manglawag iti tunggal tao nga umay iti lubong” [Doktrina ken Katulagan 93:2]. Babaen iti daytoy, malawlawagan amin nga annak ti Dios nga agserbi Kenkuana ken iti tunggal maysa iti kasayaatan a pannakaammo ken kabaelanda. …
… Ad-adu pay kadatayo ti mangbigbig koma iti naimbag nga inaramid ti dadduma ken mangsuporta no adda panawen ken kuarta a mangaramid iti kasta. …
Paneknekak ni Jesucristo, nga iturong ti silaw ken Espirituna dagiti amin nga annak ti Dios iti panangtulong kadagiti nakurapay ken agrigrigat iti sangalubongan.
© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Liahona Message, November 2022. Language. 18300 864