“Efuh Kuht Moli Sie Tahfuh Singucul,” Liahona, Tisacmpuh 2022.
Mahlwem Nuhkwewa Liahona Mwe Fahkwack, Tisacmpuh 2022
Efuh Kuht Moli Sie Tahfuh Singucul
Mempucr ke Alu luhn Jisus Kraist luhn Mwet Luhlahlfongi ke Lwen-sahflah luhn sang sie tahfuh singucul luhn molin orekma lasr nuh ke Alu uh. Pahngpahng ma se inge sie tahfuh singucul. Mani inge orekmakihnyuck in ahkfahsrye orekma luhn Alu uh fin facluh.
Meac Sie Tahfuh Singucul?
Sie masap luhn God pa in moli sie tahfuh singucul, suc pa sie tahfuh singucul ke molin orekma lasr, nuh ke Alu Lal. Ke kuht moli sie tahfuh singucul, kuht ahkkahlwemye srui lasr nuh sin God ke mwe insewowo lasr. Ke ahkkahlwemye lah kuht luhlahlfongi ke Leum ac lah kuht insese in ahkosol ke ma nuhkwewa.
Melchizedek—Mwet in Liyacacng Lohm in Fihl, sel Clark Kelly Price
Mwe Luti ke Wuhlweacng Mahtuh
Mwet luhn God moli sie tahfuh singucul eke pacl luhn Wuhlweacng Mahtuh ah. Oacna ke, Abraham el moli sie tahfuh singucul (liye Genesis 14:18–20). Masap ke sie tahfuh singucul oacyacpac lutiyuck sin mwet pahluh meet ah, weluhlwacng Moses ac Malachi (liye Leviticus 27:30–34; Nehemiah 10:35–37; Malachi 3:10).
Fohlohkyak luhn Masap ke Sie Tahfuh Singucul
Ke 1838, Mwet Pahluh Joseph Smith el siyuck sin Leum lah mwet ke Alu uh ac moli fuhkah sie tahfuh singucul. Top luhn Luem sihmlac oasr ke Doctrine and Covenants 119, suc fahk muh mempucr enenuh in sang sie tahfuh singucul ke kap lalos nuh ke Alu uh (liye fuhs 4). Mwet kol ke Alu uh luti muh “kap” pa molin orekma lasr.
Petsac sel Jamie Dale Johnson
Kuht ac Moli Sie Tahfuh Singucul Fuhkah
Kuht kuh in moli sie tahfuh singucul ke kuht ac nwacklah sie fohm ke tonesin ke internet ke donations.ChurchofJesusChrist.org. Kuh kuht kuh in nwacklah sie pwepuh kuh fohm ah ac sang mani an nuh sin sie mwet ke pisaprik kuh mwet ke u luhn prestuhn ke pracns. Mani nge kwewa suhpweyuck nuhke ohfohs luhlahp luhn Alu uh, ke acn ma mwet kol luhn Alu (U luhn Prestuhnsi Se Met, U luhn Mwet Sap Singucul Luo, ac U luhn Prisaiting Pisaprik) ac pruhe otwelah lah ac orekmakihn fuhkah.
Mwe insewowo
Leum El tuh olwelah lah elos suc moli sie tahfuh singucul ac fah ahkinsewowoyeyuck kwewana ke ma luhn ikoac ac nguhn. Sie tahfuh singucul oacyacpac ahkinsewowoye tuhlihk nuhtin God ke pacl wowo in lutlut Kacl ac kapkapwack ke wosasuc.
Orekmakihnyuck Fuhkah Mani ke Sie Tahfuh Singucul
Mani ke sie tahfuh singucul inge orekmakihnyuck in ahkfahsrye orekma luhn Alu uh fin facluh. Pa nuh ke muhsahi tempuhl ac kuhtuh muhsah sahyac luhn Alu uh, printi ma suhmuhslah ac kuhtuh kuhfa sahyac, moli lohm lutlut luhn Alu uh, ac kahsruh ke orekma ke sramsram mahtuh luhn sucu ac orekma luhn misineri.
Mwe Fahkwack ke Sie Tahfuh Singucul
Pacl se ke yac se, mempucr ke Alu uh ohsun nuh sel pisap (kuh prestuhn luhn pracns) in fahk nuh sel lah eltahl moli nohfohn sie tahfuh singucul lalos kuh meac.
Meac Sie Tahfuh Singucul uh Moli
Petsac ke Tempuhl Oakland California sel Longin Lonczyna Jr.
© 2022 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs Paclahng: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, December 2022. Kosraean. 18318 868