“Nimeet Tuhpan! Oruh Kom in Oacna Mwet Shepherd Ngiac,” Nuh ke Kuh luhn Mwet Fuhsr, Tisacmpuh 2022.
Mahlwem Nuhkwewa Nuh ke Kuh luhn Mwet Fuhsr Mwe Fahkwack, Tisacmpuh 2022
Nimeet Tuhpan! Oruh Kom in Oacna Mwet Shepherd Ngiac
Ke sie fong mihs ke pacl somsomlah ah, mwet shepherd elos karihngihn un sheep nahtuhlos.
Oasr orekma na yohk srihpac se luhn mwet shepherd inge. Sheep ac enenuh mongo, kof, ac karihngihnyuck liki sensen.
In kihtin pacl ah na, lipufacn se sikyak!
“Nimet sangeng, tuh liye, Nga us pweng wo nu suwos. … Tuh isusla nu suwos misenge … sie Mwet Lango, su Leum Christ.”
Lipufacn sac fahk nuh sin mwet shepherd lah elos ac fah konauk tulik fusr se pipla ke ipin nuknuk, ac oan in nien mongo lun kosro in acn Bethlehem.
U luhlahp ke lipufacn inkusrao sikyang wi lipufacn sac; elos on ac kaksakin God.
“Wolana nu sin God in fulatlana, ac misla fin faclu, wo nu sin mwet su El insewowo kaclos.”
“Kut som nu Bethlehem ac liye ma se sikyak inge, su God El fahkak nu sesr kac.”
Mwet shepherd elos tiac tuhpan. Ma se inge ahluhkwelah yohk srihpac! Elos “sulaklak som” nuh Bethehem.
Mwet shepherd elos konwaclwack Jisus el pihplac ke ipin nuknuk, oani in nien mongo lun kosro, oacna ke lipufacn sac fahk.
Pa inge Messiah suc ma uliyuck suc ma tuhkuh in Mwet Lahngo ac Mwet Molwelah luhn facluh ac in use engan pwacye nuh sesr!
Mwet shepherd elos fwefwelac! Elos sruhmuhnke ma elos lohng ac liye.
“Mwet Lahngo luhn facluh el isuslac!”
“Messiah el tuhkuh!”
Mwet shepherd “sulaklak som” nuh yohrohl Jisus. Kom kuh in oruh ma inge!
Kom kuh in lutlut Kacl.
Kom kuh in Kuhlwacnsuhpwacl ke kom kuhlwacnsuhpuh mwet sahyac.
Kom kuh in fahkwack Kacl.
© 2022 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs Paclahng: 6/19. Ahkkweyeyucklac ke Lweng: 6/19. Lwenglah luhn Monthly For the Strength of Youth Message, December 2022. Kosraean. 18318 868