Padahk en Sounpwong kan Liahona, Tihsempe 2022

Dahme Kitail Anahnehki Pwain Meirong en Eisek Kis Ehu

Towe kan en Mwomwodiso en Sises Krais en Souleng en Imwin-Rahn akan kin kiheng Mwomwohdisoht eisek kis ehu en neirail mwohni. Ih met me kahdaniki meirong en eisek kis ehu. Mwohni wet kin apwali doadoahk en Mwomwohdisoht nan sampah pwon.

Dahkot meirong en eisek kis ehu?

Ehu sapwellimen Koht kosonned iei kitail en pwain atail meirong ong Sapwellime Mwomwohdiso, me iei eisek kis ehu en mwohni me kitail kin koadoahkehda. Ni atail kin pwain atail meirong, kitail kin kasalehda atail kapingkihong Koht atail kapai kan. Kitail kin kasalehda me kitail koapwoaroapwoarki Kauno oh me kitail men peikiong Ih nan soang koaros.

Melkisedek—Soun Apwali Imwen Nekinek, sang Clark Kelley Price

Padahk kan sang nan Kadehde Mering

Sapwellimen Koht aramas akan kin pwain meirong sangete nan mwehi en Kadehde Mering. Karasepe, Eipraam kin pwain ah meirong (kilang nan Senesis 14:18–20). Soukohp en mahs akan, me pil iangaki Moses oh Malakai, kin padangki duwen kosonned en meirong en eisek kis ehu (kilang nan Lipai 27:30–34; Nehmaia 10:35–37; Malakai 3:10).

Kapwurupwurdohn Kosonned en Meirong en Eisek Kis Ehu

Nan pahr 1838, Soukohp Joseph Smith ahpw keinemwe rehn Kauno ong me pid duwen tohn Mwomwohdisoht arail pahn kin pwain arail meirong. Pasapeng sang rehn Kauno intingdi nan Doctrine and Covenants 119, me mahsanih me towehkan en kiheng Mwomohdisoht lep eisek kis ehu en arail interest (kilang iretikitik 4). Kaun akan en Mwomwohdisoht padahngkiher me “interest” wehwehki mwohni me kitail koadoahkehda de wahn pwudowetail.

Kilel sang rehn Jamie Dale Johnson

Ia mwomwen atail kin pwain Meirong en Eisek Kis Ehu

Kitail kak pwain meirong online ni atail pahn audehda wiepen meirong kan nan donations.ChurchofJesusChrist.org. De kitail kak audehda nan doaropwe oh kiheng mwohni rehn emen irail kan me mih nan pisoprik de prans presedensi. Mwohni koaros kin pekederla ni ohpis lap en Mwomwohdisoht, oh irail kaun kan en Mwomwohdisoht (Keieun Presidency, Pwihn en Wahnpoaron Ehk Riemen, oh Presiding Bishopric) ahpw kin uhd kapakapki oh koasonehdi ia mwomwen arail pahn doadoahngki.

Kapai kan

Kauno inoukihda me irail kan me kin pwain arail meirong pahn alehdi kapai en paliwar oh palingehn. Meirong kin sewese Sapwellimen Koht serikan koaros en esehla Ih oh pil keirda nan rongamwahu wet.

Mwomwen Mwohni en Meirong en Eisek Kis Ehu kin Doadoahkla

Mwohni wet kin apwalihewei doadoahk en Mwomwohdsoht nan sampah pwon. Met iangahki kokoudahn tehnpas sarawih kan oh imwen sarawih kan, wiawihdahn pwuhk sarawih kan de dipwisouteikan, epwelpen en Mwomwohdisoht Sukuhl kan, de sewese pelien poadoapoad en peneinei oh doadoahk en misineri.

Mihting en Meirong en Eisek Kis Ehu

Pak ehu nan pahr ehu, towehkan kin tuweng arail pisop (de prans preseden) oh padahkiong ih ma re kin pwain arail meirong ni unsek.

Sang Pwuhk Sarawi kan

Keieu en Presidensi, Pwihn en Wahnpoaron Ehk Riemen, oh Presiding Bishopric kin kapakapki oh pilada wiepen mwohni en meirong en eisek kis ehu. (kilang nan Doctrine and Covenants 120).

Kauno ketin inoukidier me E pahn ketin ritingadahng kumwail wenihmwtok en nanleng (kilang nan Malakai 3:10).

Kitail pahn iang komourla ni Sapwellimen Sounkomouro Ketido Keriauo ma kitail kin pwain atail meirong (kilang nan Doctrine and Covenants 64:23).

Dahme Mwohni en Meirong en Eisek Kis Ehu Kin Pwain

Kilelen Tehnpas Sarawi en Oakland California sang rehn Longin Lonczyna Jr.

Rapahki Ireh kan

Ma mie sapwellimwomwail iren keinemweh kan me pid duwen meirong en eisek kis ehu, kumwail kak koasoaieng riemwail soun minisder ohl de lih akan, amwail kaun en ward de prans kan, de misineri kan.

© 2022 sang Intellectual Reserve, Inc. Kolokol pwuhng koaros Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Translation of Monthly Liahona Message, December 2022. Pohnpeian. 18318 885