“Kumwail Dehr Awih! Kumwail en Duwehte Silepen Sihpw Kan,” Ong Kakehlepen me Pwulopwul kan, Tihsempe 2022
Padahk en Sounpwong kan, Ong Kakehlepen me Pwulopwul kan, Tihsempe 2022
Kumwail Dehr Awih! Kumwail en Duwehte Silepen Sihpw Kan
Ni pwohng mweleh ehu, ahnsou kei samwalahro, silepen sihpw kei wie apwahpwalih neirail mahnakan.
En silepen sihpw kan doadoahk inenen kesempwal. Sihpw kan kin anahne mwenge, pihl oh doareperail sang nan kahpwal.
Tohnleng men ahpw wiahkintehiou pwarada!
E mahsanihong irail, “kumwail dehr masak, pwe I wadohng kumwail rohng kaperen mehlel pwoat. Pwe pwongpwong wet Sounkomouro ipwidiongkumwailehr, iei ih Krais atail Kaun.”
Tohnlengo padahkihong irail me irail pahn diar seri pwelel kis me kidikidki likoun seri, oh wonohn nan dewen kamwenge mahn nan Pedleem.
Karis en tohnleng ngedehrie kipehdi nanleng oh iang tohnlengo ngisingiski arail kaping ong Koht.
“Kaping ong Koht nanleng wasa ileile, oh mwehi kapohl ong sampah oh aramas akan.”
“Nna, kitail kolahng mahs Pedleem pwe kitail en kadehde dahme wiawihier wasao, me Kaun-o ahpwtehn mahsanihong kitail.”
Silepen sihpw ko sohte wie pwapwandseli. Ih uwen met ah nohn kesempwal! Re “mwadangalahng” Pedleem.
Ni Silepen sihpw ko arail diar Sises, e kidikidki likoun seri oh wie wonohn nan dewen kamwenge mahn, duwehte dahme tohnlengo padahkihengirailo.
Ih Mesaia me inoupe wiawidier me E pahn ketdo oh wiahla Sounkomour oh Soundoar ong sampah oh ketkihdo popohl mehlel!
Silepen sihpw ko ahpw perenda! Re kalohkiseli dahme re rongehr oh pil kilangehr.
“Sounkomourpen sampah ipwidier!”
“Mesaiao lellodohr!”
Silepen sihpw ko “mwadangalahng” rehn Sihses. Kumwail pil kak iang wia met!
Kumwail kak esehla Ih.
Kumwail kak papah Ih sang ni amwail pahn papah mehteikan.
Ke kak wia ahmw kadehde duwen Sihses.
© 2022 sang Intellectual Reserve, Inc. Kolokol pwuhng koaros Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Translation of Monthly For the Strength of Youth Message, December 2022. Pohnpeian. 18318 885