Milwol ni Ngan Thapeg ko biney e Pul nifan e LiahonaDecember 2022

Fan ni Gadaed ma Pii’ Pilwon e Tithing

Giddii’en Fare Galasia ku Yesus Kristus ni Fan ko Gidiiʼen Got ko Tin Tomur e Rran e yaed ma luf ta’areb ko ragag i pilwonraed nifan ngak e Galasia. Biney e bay fithingan ni kanoeg e tithing ngay. Biney e salpiy e yima fanay ko muruwel nifan e Galasia u dakean ga’angin yang e fayleng.

Mang e Tithing?

Reb fapi motochiyel rok’ Got e ngan pii’ pilwon e tithing, ni’ir e fare luf ta’areb ko ragag ko pilwondaed, nifan ngak e Galasia rok’. Napan ni gadaedra pii’ pilwon e tithing, ma arram ni gadaed be dag e magar ngak Got ko tawa’ath rodaed. Gadaed be dag nib pagaen’daed ngak Somoel ma gadaedra fol rok’ ko gubin ban’en.

Melchizedek—En nima ayuweg fare nu’un nib sug ko ggan, yib rok’ Clark Kelley Price

Fapi Michib ko Bin Kakrom e M’ag

I pii’ e gidii’ rok’ Got pilwon e tithing ni ku napan e Bin Kakrom e M’ag. Woed, Abraham ni pii’ pilwon e tithing (mu guy koGenesis 14:18–20). Motochiyel ko tithing e i michibnag fapi profet ni kakrom, nib mu’un Moses nge Malaki ngay (mu guy ko Levitikus 27:30–34; Nehemiah 10:35–37; Malaki 3:10).

Fare Motochiyel ko Tithing ni Sulyarmen

Napan e 1838, fith fare Profet Joseph Smith ngak Somoel ko uw rogon ninge pii’ gidii’en e Galasia pilwon e tithing. Doctrine and Covenants 119, e ga’ar gidii’en e galasia e susun e ngar pii’ed ta’areb ko ragag ko pilwonraed ngak e Galasia (mu guy ko guruy 4). Tiyugang’ ko Galasia e kar michib niged ni “interest” e be yip fan pilwom.

Sassing riy e yib rok’ Jamie Dale Johnson

Rogon ni ngan Pii’ pilwon e Tithing

Rayag ni ngaed pii’ed pilwon e tithing ni yibe fanay ko fare form ko online nibay ko donations.ChurchofJesusChrist.org. Fa krayag ni ngaed yoloeyed ni yibe fanay fare form min pii’ ngak reb fapi bishofric fa branch presidency. Gubin e salpiy min pii’ nge yaen ko fare headquarters ko Galasia, gin ni bay fapi tiyugang’ ko Galasia riy, (fare bin Somm’on e Presidency, Ulung ko fare Ragag nge L’agruw e Apostles, nge Presiding Bishofric) ni bayra meybil niged ko rogon nib tu’uf ningan fanay ere salpiy ney.

Pi tawath

Somoel e micheg ngak e gidii’ nima pii’ pilwon e tithing roraed nran tawa’ath nagraed ko tin nu fayleng ban’en nge tin nib thothup ban’en. Tithing e kama tawa’ath nag pifak Got ni ngar ul’ul’gaed ngar filed mornga’agen mi yaed ul’ul’ ngar gelgaed ko fare gospel.

Rogon ni Yima Fanay e Salpiy ko Tithing

Salpiy ko tithing e yima fanay ni ngan toey e Galasia rok’ Somoel u dakean e fayleng. Biney e mu’un fapi temple ngay ni yibe toey nge ku boech e Galasia, thin nib thothup ni yibe print nag nge ku boech e material, sukul nib milfan ko Galasia, nge ayuw ko muruwel ko cheppin e tabinaew nge muruwel ko tapigpig.

Rogon e Thin ko Tithing

Ta’abiyay ulan reb e duw, gidii’en e Galasia e yaed ma mada’nag e bishof roraed (fa branch president) ni ngar yoeged ngak ko yaed ma pii’ ni ga’angin pilwon e tithing roraed fa dangay.

Yib ko pi Chep nib Thothup

Fare bin Somm’on e Presidency, Ulung ko fare Ragag nge L’agruw e Apostles, nge Presiding Bishofric e bayra meybil niged ko rogon nib tu’uf ningan fanay ere salpiy ney (mu guy ko Doctrine and Covenants 120).

Somoel e micheg nra bing “e tharmiy mu gu pu’og nga dakenmed” nap‘an ni gadaedra pii’ pilwon e tithing rodaed (mu guy ko Malachi 3:10).

Ran thapegdaed ko bin Migid e Wub rok’ fare Tathapeg ni fa’anra gadaedra pii’ pilwon e tithing roraed (mu guy ko Doctrine and Covenants 64:23).

Pi N’en Nima Pii’ e Tithing Pilwon

Sassing ni ya’an e Temple u Oakland California nike yib rok’ Longin Lonczyna Jr.

Gay Boech Morngaʼagen

Faʼanra bay e duwer rom ni morngaʼagen e tithing, rayag ni ngam non ngak e en nima michib ngom ni pumoʼon fa bpin, ward rom fa tiyugangʼ ko branch rom, fa boech fapi missionary.

© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Ngan Thapeg ko biney e Pul nifan e Liahona ko, December 2022. Yapese. 18318 905