“Damu Soen! Woed Fapi Gidii’ nima Gafaliy e Saf,” Fan ko Gelngin e Pi’in ni Fal’ Yangren, Dec. 2022.
Mulwol ni Ngan Thapeg ko biney e Pul Fan ko Gelngin e Pi’in ni Fal’yangrenDecember 2022
Damu Soen! Woed Fapi Gidii’en e Gafaliy e Saf
Reb e nap ngay ni rib kakrom kafram, gidii’ nima gafaliy e saf e ma matanggiy e gamanman roraed.
Gidii’en e gafaliy e saf e bay e murwel roraed ni rib ga’fan. Safe ba tu’uf e gaan roraed, nge raan, nge ayuw ko tin nrayag nra gathayraed.
Me yibe buch, ni yibe m’ug ba angel!
“Dab mu tamdaggad! Ya ku gub ni nggog e thin ni bfel’ ngomed. … Re rran ney e kan gargeleg … e Tabiyul, ni Kristus ni ir e Somol.”
Fare angel e yoeg ngak fapi gidii’en e gafaliy e saf nrayag ni yaedra pire’eg fare tir ulan ba duwaay nikan bichiy ko bangi maad.
Choir ko angel e suguy e tharmiy mi yaed un ko angel ngar yon’ed e tang ngak Got.
“Falfalaen’uy ngak Got ni th’abi tolang, nge gapas nibay u fayleng, pin’ey nib mangil nifan ngak e gidii’.”
“Dared nga Bethlehem ngad guyed e re n’en ni ke dag Sommeil ngodaed.”
Fapi gidii’en e gafaliy e saf e danra soen gaed. Biney e rib ga’fan! Ra baed “u fithik’ e gurgur” nga Bethlehem.
Fapi gidii’en e gafaliy e saf e ra pire’egned Jesus nibay nikan bichiy nga bangi maad, nibay ulan fare duwaay, ni woed rogon ni yoeg fare angel.
Irerray fare Messiah nin micheg nra yib nra mang fare Tathapeg nge fare Tabiyul ko fayleng mara pii’ ngodaed e bin riyul’ e falfalaen’!
Fapi gidii’en e gafaliy e saf e kari falfalaen’gaed! Mi yaed weliy e tin ni kar rung’agned nge tin ni kar guyed.
“Fare Tathapeg ko fayleng e kan gargeleg!”
“Make buch nike yib fare Messiah!”
Fapi gidii’en e gafaliy e saf e ra baed “u fithik’ e gurgur” ngak Yesus. Ku woed gur nrayag rom!
Rayag ni ngam fil mornga’agen.
Rayag ni ngam pigpig ngak ni woed rogon ni gabe pigpig ngak e gidii’.
Rayag ni ngam micheg mornga’agen.
© 2022 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren, Decemeber 2022. Yapese. 18318 905