“Ɛntwɛn! Yɛ te sɛ Nnwanhwɛfoɔ no,” De ma Mmabunu Ahoɔden, Kɔtɔnima 2022.
Bosome bosome De ma Mmabunu Ahoɔden Nkransɛm, Ɔpɛnima 2022
Ɛntwɛn! Yɛ Te sɛ Nnwanhwɛfoɔ no
Anadwo dinn bi mu mmerɛ tenten a atwam, nnwanhwɛfoɔ de nsi wɛnn wɔn nnwan.
Na nnwanhwɛfoɔ no wɔ adwuma a ɛhia bi. Na nnwan no hia aduane, nsuo, ne bammɔ firi ɔhaw ho.
Amonom hɔ ara, ɔsorobɔfoɔ pueei!
“Monnsuro, na hwɛ, Mede nsɛmpa a ɛyɛ anigyeɛ kɛseɛ rebrɛ mo Ɛfiri sɛ wɔawo Agyenkwa, a ɔne Kristo, Awurade no ama mo”
Ɔsorobɔfoɔ no kakyerɛɛ nnwanhwɛfoɔ no sɛ wɔbɛhunu akɔkoaa a wɔde ntoma akyekyere no sɛ ɔda mmoa adididaka mu wɔ Bethlehem.
Ɔsoro asafo nnwomtokuo hyɛɛ ewiemu ma na wɔbɛkaa sorobɔfoɔ no ho yii Onyankopɔn ayɛ.
“Animuonyam wɔ sorosoro ma Onyankopɔn, na asomdwoeɛ wɔ asase so, nnipa a wɔsɔ n’ani mu.”
“Momma yɛnkɔ Bethlehem na yɛnkɔhwɛ asɛm a aba a Awurade ayi akyerɛ yɛn yi.”
Nnwanhwɛfoɔ no antwɛn. Na yei ho hiaa yie! Wɔbaa “ntɛm so” wɔ Bethlehem.
Nnwanhwɛfoɔ no hunuu Yesu sɛ wɔde ntoma akyekyere ne ho, na ɔda adididaka mu sɛdeɛ sorobɔfoɔ no kaae no.
Yei ne Mesaia a wɔahyɛ ne ho bɔ no a ɔba bɛyɛɛ Agyenkwa no ne wiase Dimafoɔ a ɔde anigyeɛ kann brɛɛ yɛn!
Na nnwanhwɛfoɔ no ani agye yie! Wɔkyɛɛ deɛ wɔateɛ ne deɛ wɔhunuui.
“Wɔawo wiase Agyenkwa no!”
“Mesaia no awie ba!”
Nnwanhwɛfoɔ no “baa Yesu nkyɛn ntɛm so”. Wo nso wobɛtumi!.
Wobɛtumi asu No.
Wobɛtumi asom No berɛ a woresom afoforɔ.
Wobɛtumi adi Ne ho adanseɛ.
© 2022 by Intellectual Reserve, Inc. All rights reserved. Wɔtintimm no wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyeraseɛ ma Bosome bosome Mmabunu Ahoɔden Nti Nkransɛm, Ɔpɛnima 2022. Twi 18318 000