“4 Anen an Jises Kraist Apochoku Nok,” Ren ewe Pochokunen Sarafo, Jan. 2023.
Porous fan iten Ren ewe Pochokunen Serafo Iteiten Maram, Janurary 2023
4 Anen An Jesus Christ Apochoku Nok
Ua tongeni fori mettoch meinisin me ren Kraist.
Philippians 4:13
Non unusen ewe fonufan, Souneng ra pwapwa non ei uwekisin: “Mi wor rei ai pochokun pwe upwe tongeni fori mettoch meinisin ren ewe manaman Kraist a fen ngeniei” (Philippi 4:13).
Nupwen aramas ra rongorong ei, ekkoch me neir meni repwe ekieki pwe wewen ra tongeni pasini ese nifinifin tes, wineni ese nifinifin urumot, me ar anean epwe chok fis. Nge esap ina met ei uwekisin a aitikich.
A mak seni ewe Aposel Paul nupwen a nom non imwen kanapus. Ussun emon chon kanapus, mi wor chommong met Paul ese tongeni fori, nge a sinei pwe Jises Kraist a tongeni apochokuna i an epwe fori met a kon uchea.
A pwan iei ennetin ussun remi.
1 Kraist a Apochoku nok om kopwe Sinei
Jises Kraist a fen ngonuk ekkoch auchean anen om kopwe tongeni sinei met mi pung. I a aiti kich meinisin ach sipwe iotek fansoun meinisin (nengeni 3 Nifai 18:18) me tingor ren ami oupwe sinei met mi pung (nengeni Moronai 10:4–5). Ka pwan tongeni kuna me sinei met mi pung seni om anneani ekkewe pukefel.
Iotek me kaeo ewe pukefel a wato ewe Ngun non manauom. Ewe Ngun epwe kapas ngeni “om ekiek me … netipom” (Doctrine and Covenants 8:2), “amasowa ngunum ren pwapwa,” me “asarama om ekiek” (Doctrine and Covenants 11:13).
Non ekkei napanap, ka tongeni “rongorong ngeni I”—rongorong an ewe Chon Amanau kapas me tapweno mwirin met I a apasa. Preseten Russell M. Nelson a fen afanafana pwe iei “ewe napanapen fefeita, pwapwa, me wachimuken meseiken pwapwa non ei manau.”1
2 Kraist a apochokunok om kopwe Fori
Pochokun a feito ngonuk nupwen ka achocho ne aponueta ekkewe annuk me fori murinon ekiek a emweni ngeni kinamwe me pwapwa. Jises Kraist a apochokunok om kopwe fori ei pwan mwo nupwen ekkana murinon ekiek ra weires om kopwe fori. Fan ekkoch meni kopwe fori ekiek mi ngaw. Kinisou, ren ewe Achasefan an Ewe Chon Amanau a fori tufichin aier sefan. Pokiten Jises Kraist, ka nimenimochuno me kuna wachimuken meseiken pwapwa. I a tongeni apochokunok om kopwe “fofor murinno mekopwe murinno”2 ew me ew ran.
3 Kraist a Apochokunok om kopwe Okufu
Fansoun non imwen kanapus, Paul a makkei: “Ua fen kaeo ngeni ai upwe mefi kinamwe ekis meinisin me fansoun meinisin, nge meit ika ngang mi mot ika echik, ika piseki mi chommong are chokukun.
“Ua sinei met wewen osupwang, me wewen tufich : ua fen kaeo ngeni ai upwe mefi kinamwe ekis meinisin me fansoun meinisin” (Philippi 4:11–12).
Non ekkoch kapas, Paul a kaeo pwe, ren Kraist, i a tongeni ngaseno me kaeo seni sosotun me an osukosuk. Jises Kraist a tongeni apochokunok om kopwe pwan fori ussun chok.
Ewe Chon Amanau a riaffouni “metek me riaffou me meinisin sokkun sossot.” I a wata won Inisin ach apwangapwang pwe meni “i epwe sinei … ifa ussun an epwe anisi [minne a wewen an epwe anisi] noun aramas anongonong won ar apwangapwang” (Alma 7:11–12). Ese nifinifin met ka mesengeni, Jises Kriast a tongeni apochokunok om kopwe nikitu me awesano ekkewe mettoch kose tongeni pusin fori won pusin om.
4 Kraist a Apochokunok om Kopwe Winiti
Jises Kraist a fen fori manau sefan ew mettoch mi wesewesen fis fan iten kich meinisin, me I a fori tufichin manau ese much fan iten ekkana ra aier, angei ouchean angangepin, o fori me aponueta ekkewe pwon mi akoko ngenir. Ika pwe ese wor Kraist, sise tongeni awesano met Samach won Nang a kon mochen—ren ach sipwe winiti ussun chok I me Noun we Jises Kraist, me ach sipwe nom rer fein feino chok.
Ka tongeni winiti ussun Jises Kraist nupwen ka kaeeo ussun I, anonga won me nuku non I, me nikopuru An nenien apiru. Ei epwe emwen ngonuk om kopwe nom fiti watten nuku, epinukunuk, tong ennet, nikitu, tipetekison, nimenimoch, me anneasosich. Ikkei meinisin foforun ewe Chon Amanau.
Nupwen ka achocho ne tapweno mwirin Jises kraist, I epwe om epinukunuk me om saram epwe emwenuk om kopwe winiti meinisin minne I a sinei kopwe tongeni winiti. Me, ren Paul, kopwe tufichin apasa, “Ngang mi tongeni fori mettoch meinisin ren Kraist minne a apochokunaei.”
© 2023 by Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Ren ewe Pochokunen Sarafo Iteiten Maram December 2023. Language. 18904 901