Pweng ke Liahona Mahlwem Nuhkwewa, Jacnweri 2023

Sucu Tuhkweni Ma Pahtpaht

Sucu uh pa ip yohk ke mura ac Alu uh. Mempucr ke Alu luhn Jisus Kraist luhn Mwet Luhlahlfongi ke Lwen-sahflah luhlahlfongi tuh sucu uh kuh in tuhkweni ma pahtpaht. Kuht orekma in ahkfokokoye sucu lasr fin facluh. Kuht kuh pac luhlahlfongi muh kuht ac eis mwe insewowo luhn sucu ma pahtpaht se.

Sucu luhn God

Mwet nuhkwewa pa tuhlihk in nguhn luhn pahpah ac ninac inkuhsrao. Kuht nuhkwewa wi sucu luhn God. Oasr ohiyac muhtahl ac ma pahtpaht sesr kwewa. Kuht fin moul suwohs, kuht kuh in fohlohk in muhta yurun Pahpah Inkuhsrao in wi sucu Lal nwe tohk ma pahtpaht.

Petsac luhn pahyuck se sel Joseph Kaluba

Sucu Ma Pahtpaht

Ke mukul se ac muhtwacn se macruhtlac luhn tempuhl ac karihngihn olwelah lalos, pahyuck lalos ac som ne tohk ma pahtpaht. Akwuck in tempuhl se inge pahngpahng muh sil. Tuhlihk suc isuslac tukun pahpah ac ninac tuh siliyucklac tari isuslac ye olwelah sacn. Tuhlihk isuslac met liki pahpah ac ninac siliyucklac kuh in sili nuh selos lun tempuhl in muh sucu ma pahtpaht se. Mempucr luhn Alu uh oruh sramsram mahtuh luhn sucu ac orekma in tempuhl elos in muh kuh in siliyac sucu lalos tuhkweni nuh ke fihlin pacl. Mwe insewowo luhn sucu ma pahtpaht kuh in sikyak ke srihpen Jisus Kraist ac Iwaclah Lal.

Pahyuck

Pahyuck inmahsrlon mukul ac muhtwacn akmuhsraiyucklac sin God. Wosasuc luhn Jisus Kraist luti tuh mukul tuhma ac muhtwacn kiyac in pwacye nuh sie sin sie ac suwohs nuh ke olwelah in pahyuck lalos. Elos in pwacye ke nuhnak, kahs, ac mukwikwi. Mwet pahyuck in orekma tuhkweni, ac mwet pahyuck enenuh in ahkkweye, luhngse, ac kahsruh sie sin sie.

Pahpah Ninac ac Tuhlihk

God El sapkihn Adam ac Eve in oswe tuhlihk. Mwet kol luhn Alu uh luti tuh masap se inge srwackna oasr. Pahpah ac ninac tuhkweni orekma in tuhfahlah tuhlihk nahtuhlos ke luhngse ac suwohs (liye Doctrine and Covenants 68:25–28). Tuhlihk lutiyuck in ahkfuhlwactye ac ahkos ninac ac pahpah lalos (liye Exodus 20:12).

Luti ac Lutlutkihn

Pahpah ac ninac luti tuhlihk nahtuhlos in luhngse God ac ahkos masap Lal. Moul ke sucu se use nuh sesr pacl in puhla engan etwaclah muhtweng ac luhngse mwet sahyac. Ohiyac inge kahsruh kuht in eklac oacna God ac ahkoekuhtlac moul engan ke sucu ma pahtpaht.

Ahkweye Sucu

Enenuh in oasr orekma, oaru, ac muhtweng in muhsahelah sucu fokoko se. Ip yohk luhn wosasuc oacna luhlahlfongi, pruhe, nuhnak muhnahs, luhngse, orekma, ac sritacl wo kuh in kahsruh kuht konwacack engan ke moul luhn sucu. Kuht kuh in eis fwackyuck sifacna in etuh fuhkah in ahkweye sucu lasr.

Christ’s Image, sel Heinrich Hofmann

Oasr Mwe Insewowo nuh sin Mwet Nuhkwewa

Tiac mwet nuhkwewa ma oasr nuh selos in wi sie sucu wo se fin facluh. Tuh God El olwelah tuh mwet nuhkwewa suc karihngihn masap Lal ac fah eis mwe insewowo nuhkwewa luhn sucu ma pahtpaht se. Kuht kuh in luhlahlfongi kacl ac luhlahlfongi ke pacl Lal.

Ke Ma Suhmuhslah uh

Pahpah ac ninac luti tuhlihk nahtuhlos in luhngse ac kuhlwacnsap sie sin sie (liye Mosiah 4:14–15).

Pruhe uh fah ahkweye sucu uh (liye 3 Nephi 18:21).

Elos suc siliyuck lun tempuhl fah eis mwe insewowo ma pahtpaht (liye Doctrine and Covenants 132:19).

Kahs in Esamyac

Ohiyac muhtahl: Ohiyac ma kuht eis sin God oacna tuhlihk in nguhn Nahtuhl.

Wuhlweacng: Olwelah kuht oraclah sin God. El olwelah in ahkinsewowoye kuht.

Akmuhsraiyucklac: Sramtweyuckyak, akwucki, kuh pakpucklac. “Akmuhsraiyucklac” kuh in kalmac in sang wal nuh sin mwet suc sruok pristut ke ohfuhs in pristut, oacna deacon kuh elder.

Fwackyuck: Kolyuck sin God nuh sin tuhlihk Nahtuhl fin facluh.

Konwacack Kuhtuh Pac

In etwaclah ma mwet pahluh ke lwen-sahflah luti ke sucu uh, kom kuh in riti “Sucu: Sie Mwe Fahkwack nuh fin Facluh” ke ChurchofJesusChrist.org kuh ke Gospel Library app. Oasr ke ward ac pracns, U luhn Tuhlihk Srisrihk, Mukul Fuhsr, ac Muhtwacn Fuhsr nuh ke tuhlihk ac mwet fuhsr. Kom kuh in sramsram nuh sin mwet kol ingacn ac nuh sin tamuhlwel and tahmtahel kuhlwacnsap wiyom ke ohiyac elos kuh in kahsruh ahkweye tuhlihk nuhtum.

© 2023 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs Engilsh: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, January 2023. Language. 18904 868