Bosome bosome Laehona Nkransɛm, Ɔpɛpɔn 2023

Mmusua Nni Awieeɛ

Abusua yɛ ɔman ne Asɔre no kuo a ɛho hia. Yesu Kristo Asɔre a Ɛwɔ hɔ ma Nna a Ɛdi Akyire Ahotefoɔ mma gyidi sɛ mmusua bɛtumi ayɛ ɛnniawieeɛ. Yɛyɛ adwuma de hyɛ yɛn mmusua den. Yɛgye di nso sɛ yɛbɛtumi anya ɛnniawieeɛ abusua nhyira.

Onyankopɔn Abusua No

Nnipa nyinaa yɛ ɔsoro awofoɔ honhom mmammarima anaasɛ mmammaa. Yɛn nyinaa yɛ Onyankopɔn abusua no mu fa. Yɛn nyinaa wɔ ɔsoro abɔsuo ne nkrabea. Sɛ yɛbɔ bra a ɛtene a, yɛbɛtumi asane akɔtena yɛn Soro Agya nkyɛn sɛ Ne ɛnniawieeɛ abusua no mu bi.

Ayefohyia mfoni firi Joseph Kaluba hɔ

Ɛnniawieɛ Mmusua

Sɛ ɔbarima ne ɔbaa ware wɔ tɛmpol na wɔdi wɔn apam so a, wɔn awareɛ bɛtena hɔ afebɔɔ. Saa tɛmpol ayɛyɛdeɛ yi wɔfrɛ no nsɔano. Nkwadaa a wɔwo wɔn awofoɔ nsɔano akyire no wɔwo wɔn wɔ apam mu. Nkwadaa a wɔwo wɔn ansa na awofoɔ sɔ wɔn ho ano no wɔtumi sɔ wɔn ano wɔ tɛmpol mu bɔm ma wɔbɛyɛ afebɔɔ abusua. Asɔremma yɛ abusua abakɔsɛm adwuma sɛdeɛ wɔbɛtumi asɔ wɔn mmusua ano abɔm wɔ awoɔ ntoatoasoɔ nyinaa so. Afebɔɔ abusua nhyira tumi ba mu ɛnam Yesu Kristo ne Ne Mpata no so.

Awareɛ

Ɔbarima ne ɔbaa ntam awareɛ no Onyankopɔn na wahyira so. Yesu Kristo asɛmpa no kyerɛkyerɛ okunu ne ɔyere sɛ wɔmmoa wɔn ho na wɔnni nokorɛ wɔ wɔn awareɛ apam no mu. Ɛwɔ sɛ wɔdi nokorɛ wɔ adwene, asɛm, ne nneyɛɛ mu. Awareɛ yɛ ntɔntɔdie, na ɛwɔ sɛ awarefoɔ hyɛ den, kyekyere werɛ, na wɔboa wɔn ho wɔn ho.

Awofoɔ ne Nkwadaa

Onyankopɔn hyɛɛ Adam ne Hawa sɛ wɔnwo mma. Asɔre akannifoɔ akyerɛkyerɛ sɛ saa mmarasɛm da so yɛ adwuma. Ɛnanom ne agyanom yɛ adwuma bɔm de tete wɔn mma wɔ ɔdɔ ne teneneeyɛ mu (hwɛ Nkyerɛkyerɛ ne Apam 68:25–28). Wɔkyerɛkyerɛ nkwadaa sɛ wɔnyɛ setie na wɔnni wɔn awofoɔ nni (hwɛ Eksodɔs 20:12).

Adekyerɛ ne Adesua

Awofoɔ kyerɛkyerɛ wɔn mma sɛ wɔnnɔ Onyankopɔn na wɔnni Ne mmaransɛm so. Abusua asetena ma yɛn akwanya de te anigyeɛ nka na yɛsua aboterɛ ne yiedieyɛfoɔ. Saa suban yi boa yɛn ma yɛbɛyɛ te sɛ Onyankopɔn kɛse na ɛsiesie yɛn ma yɛbɔ anigyeɛ bra sɛ ɛnniawieeɛ mmusua.

Rehyɛ mmusua Den

Ɛde adwuma, tuwohoakyɛ, ne aboterɛ na ɛma abusua nyini nkonimdie mu. Asɛmpa nnyinasoɔ te sɛ gyidie, mpaeɛ, bɔnefakyɛ, ɔdɔ, adwuma, ne anigyeɛ a ɛho teɛ tumi boa yɛn ma yɛnya anigyeɛ wɔ abusua asetena mu. Yɛbɛtumi nso anya ankasa adiyisɛm de ahunu deɛ yɛbɛhyɛ yɛn mmusua den.

Kristo Mfonin, ɛfiri Heinrich Hofmann hɔ.

Nhyira Wɔ Hɔ Ma Obiara

Ɛnyɛ obiara na ɔwɔ akwanya sɛ ɔbɛka abusua kann ho wɔ asase yi so. Nanso Onyankopɔn ahyɛ bɔ sɛ obiara a ɔbɛdi Ne mmaransɛm so no bɛnya afebɔɔ abusua nhyira nyinaa. Yɛbɛtumi agye No adi na yɛanya gyidie wɔ Ne mmerɛ mu.

Ɛfiri Twerɛnsɛm no mu

Awofoɔ kyerɛkyerɛ wɔn mma sɛ wɔnnodɔ na wɔnsom wɔn ho wɔn ho (hwɛ Mosaya 4:14–15).

Mpaebɔ bɛhyɛ mmusua den (hwɛ 3 Nifae 18:21).

Wɔn a wɔasɔ wɔn ano wɔ tɛmpol no bɛnya nhyira a ɛnniawieɛ (hwɛ Nkyerɛkyerɛ ne Apam 132:19).

Nsԑmfua ԑsԑ Nkaeɛ

Ɔsoro bosuo: Nnepa a yɛanya afiri Onyankopɔn hɔ sɛ Ne honhom mma.

Apam: Bɔhyɛ a yɛ ne Onyankopɔn yɛ. Ɔhyɛ nhyira bɔhyɛ ma yɛn.

Denhyɛ: Hyehyɛeɛ, hunuui, anaasɛ ɔhyɛeɛ. “Denhyɛ” bɛtumi nso bɛtumi akyerɛ sɛ rema ɔsɔfoɔ tumi wɔ sɔfodie tebea, te sɛ dikon anaasɛ elder.

Adiyisɛm: Onyankopɔn ne ne mma nkutahodie.

Hwehwɛ Mu Yie

Wo bɛsua deɛ nna a ɛdi akyire nkɔmhyɛfoɔ akyerɛkyerɛ afa mmusua ho a, wobɛtumi akenkan “Abusua No: Dawubɔ ma Wiase” wɔ ChurchofJesusChrist.org or in the Gospel Library app. Wɔɔdo ne nkorabata wɔ Mfitiaseɛ. Mmeranteɛ, ne Mmaayewa akuo ma nkwadaa ne mmabunu. Wobɛtumi ne saa akannifoɔ yi ne anuanom mmarima ne mma asomfo adi nkɔmmɔ anaasɛ ɛfa sɛdeɛ wobɛhyɛ wo nkwadaa deɛ.

© 2023 firi Intellectual Reserve, Inc. All rights reserved. Wɔtintimm no wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome Laehona Nkransɛm, Ɔpɛpɔn 2023. Language. 18904 000