Mukenji wa ku Ngondo wa Liahona, Ngondo Muibidi 2023

Mishindu ya Diambuluisha bua Bansonga ne Bana

baledi badi babala mifundu ne muana muluma

Bujitu bua kumpala bua baledi mbua kulongesha bana babu Yezu Kilisto ne lumu luimpa luende. Ekelezia wa Yezu Kilisto wa Bansantu ba Matuku a Ndekelu udi ne ndongoluelu, ndongamu, ne mishindu mikuabu ya diambuluisha bua kukuatshisha baledi mu majitu abu. Baledi, balombodi ba Ekelezia, ne balunda pamua badi mua kuambuluisha bana ne bansonga bua kulua kudi Kilisto.

Bana ba mu Kalasa ka Bana

Foto wa kudi Ben Johnson

Tshilongelu tshia Mbedi

Tshilongelu tshia Mbedi tshidi ndongoluelu wa Ekelezia bua bana badi ne ngondo 18 tô ne ku bidimu 11. Mu Tshilongelu tshia Mbedi, bana badi balonga Yezu Kilisto ne lumu luimpa luenda kupitshila ku malongesha, misambu, ne manaya. Tshilongelu tshia Mbedi tshidi mua kuambuluisha bana bua bumvua dinanga dia Nzambi buabu.

Mpuilu ya Buakuidi bua Alona ne Tulasa tua Bansonga Bakaji

Mu Ngondo wa Kumpala wa tshidimu tshidi bana bakumbaja bidimu 12, badi bumbuka mu Tshilongelu tshia Mbedi ne babuela mu mpuilu ya Buakuidi bua Alona (bua bansongaluma) anyi mu tulasa tua Basonga Bakaji (bua bansongakaji). Mu mpuilu yabu ne mu tulasa tuabu, bansonga badi batungunuka kukankamika majadiki abu ne basadilangana.

bianza bidi bizola tshimfuanyi

Ndongamu wa Bana ne Bansonga

Mu bunsonga buenda, Yezu Kilisto wakakola “mu lungenyi ne mu kulepa ne mu diakalengela kumpala kua Nzambi ne kua bantu.” (Luka 2:52). Ndongamu wa Bana ne Bansonga udi wambuluisha bidimba biteketa bia Ekelezia bua kulonda tshilejilu tshia Kilisto. Badi balonga ne bakola mu bitupa bionsu bia moyo wabu—mu nyuma, mu nsombelu, mu mubidi, ne mu meji.

Makazina a Ekelezia

Makazina a Ekelezia bua bana, adi makazina a Mulunda. Bua Dikankamika dia Bansonga udi makazina a bansonga. Makazina â adi ne miyuki, malongesha, ne manaya bifunda amu bua bana ne bansonga.

tshibuikilu tshia buludiki mu muakulu wa Espagnole

Buludiki bua mukanda Bua Dikankamika dia Bansonga

Bua Dikankamika dia Bansonga: Buludiki bua Kuenza Masungula udi ulongesha bansonga malelela a lumu luimpa. Udi ubalongesha mushindu wa kuangata mapangadika adi alua kubambuluisha bua kulonda Yezu Kilisto. Udi kabidi ne mandamuna ku nkonku idi bansonga nayi bitangila mushindu wa kuteka lumu luimpa mu tshienzedi.

Tshisangi tshia Mikanda

Tshisangi tshia Mikanda tshidi ne mishindu ya diambuluisha ya bungi mu numerique, bu mudi bindidimbi, misambu, miyuki ya mu mifundu, ne manaya. Tshidi kabidi ne mishindu ya diambuluisha bua kukuatshisha baledi ne balombodi bua balongesha malongesha a lumu luimpa. Mishindu ya diambuluisha eyi idi ipetshibua mu Tshisangi tshia Mikanda ku ChurchofJesusChrist.org ne mu application wa Tshisangi tshia Mikanda.

Mpungilu ya BDB

Kumbangilu wa tshidimu tshidibu bakumbaja bidimu 14, bansonga badi babikidibua bua kubuela mu mpungilu ya Bua Dikankamika dia Bansonga (BDB). Bibilu ebi bidi biangata manaya ne tulasa bidi biambuluisha bua kukankamika ditabuija mu Yezu Kilisto ne bidi biambuluisha bansonga bua bakola mu nyuma, mu nsombelu, mu mubidi, ne mu meji.

Ku Mifundu

Bana nebumvua ditalala patudi tubalongesha bitangila Nzambi (tangila Yeshaya 54:13; 3 Nefi 22:13).

Baledi badi ne mudimu wa kulongesha bana babu bua kumvua lumu luimpa (tangila Dilongesha ne Bipungidi 68:25).

Baledi badi ne mukenji wa kukolesha bana babu “mu bukenka ne mu bulelela” (Dilongesha ne Bipungisha 93:40).

Mishindu ya Diambuluisha ya Bana mu Numerique

Miyuki ya Mifundu (scripturestories.ChurchofJesusChrist.org): Peta mabeji a kufita makala, bindidimbi, ne miyuki ya mifundu bienza bua babadi bateketa.

Bindidimbi (ChurchofJesusChrist.org/children/videos): Bandila bindidimbi bidi bitangila bana.

Tshisumbu tshia Bana mu Tshisangi tshia Mikanda: mu application ku ChurchofJesusChrist.org, tshisumbu tshia mu Tshisangi tshia Mikanda tshidi ne dîna dia “Bana” tshidi ne misambu, bindidimbi, miyuki, ne manaya makuabu.

Peta Bia Bungi

Biwikala ne nkonku pa mishindu ya diambuluisha ya Ekelezia bua bana, udi mua kuyukila ne batatu anyi bamamu bakubi beba, balombodi beba ba tshikongu anyi ba ditamba, anyi bena bukenji. Udi kabidi mua kupeta mishindu ya diambuluisha ya bungi ku ChurchofJesusChrist.org.

© 2023 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, February 2023. Language. 18910 760