Zvishandiso zveVechidiki neVana

Mufananidzo

vabereki vachiverenga magwaro matsvene nemwanakomana

Vabereki ndivo vane basa guru rekudzidzisa vana vavo pamusoro paJesu Kristu nevhangeri Rake. Chechi yaJesu Kristu yaVatendi vaMazuva ekupedzisira ine zvirongwa, mapurogiramu, uye nezvimwe zvishandiso zvekubatsira vabereki mukuedza kwavo. Pamwechete, vabereki, vatungamiri veChechi, neshamwari vanokwanisa kubatsira vana nevechidiki vose kuti vauye kuna Kristu.

Mufananidzo

Vana vepuraimari

Mufananidzo naBen Johnson

Puraimari

Puraimari chirongwa cheChechi chevana vane mwedzi gumi nemisere kusvika pamakore gumi nerimwechete. MuPuraimari, vana vanodzidza pamusoro paJesu Kristu nevhangeri Rake kuburikidza nezvidzidzo, mumhanzi, nezviitwa. Puraimari inokwanisa kubatsira vana kunzwa rudo rwaMwari kwavari.

Makirasi eZvikwata zveHupirisita hwaAroni, uye eVasikana veChidiki

Muna Ndira wegore iro vana ravanosvitsa makore gumi nemaviri, vanobva kuPuraimari kuenda kuzvikwata zveHupirisita hwaAroni (kuvakomana) kana makirasi eVasikana Vechidiki (kuvasikana). Muzvikwata uye mumakirasi avo, vechidiki vanoramba vachisimbisa uchapupu hwavo nekushandira vamwe.

Mufananidzo

maoko achidhirowa mufananidzo

Purogiramu yeVana neVechidiki

Muhuduku hwake, Jesu Kristu akakura “pakuchenjera napakukura, napakufadza Mwari navanhu” (Ruka 2:52). Purogiramu yeVana neVechidiki inobatsira nhengo dzeChechi dzechidiki kutevera muenzaniso waKristu. Vanodzidza uye vanokura muzvinhu zvose zvoupenyu hwavo—pazvemweya, mumagariro, panyama, uye panjere.

Mamagazini eChechi

Magazini reChechi revana imagazini reFriend (Shamwari). For the Strength of Youth (ZveRusimbiso rweVechidiki) imagazini revechidiki. Mamagazini aya anosanganisira nyaya, dzidziso, uye zviitiko zvakanyorerwa kunyanya vana uye vechidiki

Mufananidzo

butiro rebhuku renhungamiro muchiSpanish

For the Strength of Youth Guidebook

For the Strength of Youth: A Guide for Making Choices rinodzidzisa vechidiki pamusoro pezvokwadi zvevhangeri. Rinovadzidzisa maitiro esarudzo dzinozovabatsira kutevera Jesu Kristu. Rinosanganisirawo mhinduro kumibvunzo iyo vechidiki yavanogona kuva nayo pamusoro pemararamiro avangaita vhangeri.

Raibhurari yeVhangeri

Raibhurari yeVhangeri ine zvishandiso zvepaindaneti zvakawanda, kusanganisira mavhidhiyo, mumhanzi, nyaya dzemagwaro matsvene, uye zviitiko. Inosanganisirawo zvishandiso zvekubatsira vabereki nevatungamiri kudzidzisa misimboti yevhangeri. Zvishandiso izvi zvinowanikwa muRaibhurari yeVhangeri paindaneti adhiresi inoti ChurchofJesusChrist.org uye nemuapu yeRabhurari yeVhangeri.

Misangano Mikuru yeFSY

Kutanga mugore ravanosvitsa makore gumi nemana, vechidiki vanokokwa kuenda kumisangano yeFor the Strength of Youth (FSY). Zviitiko izvi zvinosanganisira zviitwa nemakirasi zvinobatsira kusimbisa rutendo munaJesu Kristu uye kubatsira vechidiki kukura pazvemweya, mumagariro, panyama, uye panjere.