Mulwol ko Liahona nifen e Pul ko, February 2023

Ayuw nifen e Fal’yangren nge Bitir

Galibithir e bay e muruwel rorad ni ngar michib nigew ngak pifakrad mornga’agen Yesus Kristus nge fare gospel rok’. Fare Galasia ku Yesus Kristus ni Fan ko Gidiiʼen Got ko Tin Tomur e Rran e bay fapi ulung rorad, fapi program, nge ku boch e talne ayuw nifen e galibithir ko biney e muruwel. U taʼabang, galibithir, tiyugangʼ ko Galasia, nge tafagar e rayag ni ngar piʼed e ayuw ngak fapi bitir nge fapi falʼyangren ningar bad ngak Kristus.

Sassing riy e yib rokʼ Ben Johsnson

Primary

Primary e kabang e ulung ko Galasia nifen e bitir ni 18 e pul rorad nge madaʼ ko 11 e duw. Ulan e Primary, bitir e yad ma fil morngaʼangen Yesus Kristus nge fare gospel rokʼ nibay ko fapi michib, musik, nge fapi gosgos. Primary e rayag ninge ayuweg e bitir ngar thamiyed fare tʼufeg rokʼ Got nifan ngorad.

Ulung ko Aaronic Priesthood nge Fapi Klas nifen e Young Women

Napan e January ulan fare duw ma bitir nira gaman e 12 e duw rorad, e yadra chuw ko Primary ngar rranod ko ulung ko Aaronic Priesthood (fan e pagal) fa fapi klas nifen e Young Women (fan e bpin). Ulan fare ulung nge lan fapi klas, fapi falʼyangren e yadra ulʼulʼ ngar gel niged e mich rorad ma yad be piiʼ e ayuw ko gidiiʼ.

Bitir nge Program ko Falʼyangren

Napan e ba falʼyangren, ilal Yesus Kristus “me ga’ e gonop rok, ma bfel’ u wan’ Got nge girdi’” (Luke 2:52). Fare program ko Bitir nge Fal’yangren e ma ayuweg e gidii’en e Galasia nib bitir ni ngar laked wo’en Kristus. Yad ma fil mornga’agen aubin ban’en ulan e yafos rorad—tin nib thothup, ni yad be un ngay, rogon fithik’ i dow rad, nge llowaen’ rorad.

Fapi Magazine ko Galasia

Fare magazine ko Galasia nifen e bitir e kanog e magazine ko Fagar ngay. Fan ko Gelngin e Pi’in ni Fal’yangren e magazine nifen e fal’yangren. Tiney e magazine ab mu’un e yaat ngay, fapi michib, nge gosgos nikan yoloy nib ga’ bifen e bitir nge fal’yangren.

Fare Babyoren e Powi’iy ni Fan ko Gelngin e Pi’in ni Fal’yangren

Fan ko Gelngin e Pi’in ni Fal’yangren: Babyoren e Powi’iy ko rogon ni ngan Me’eleg e ma michib nag ngak e fal’yangren mornga’agen e riyul’ ko gospel. Ma michib nag ngorad rogon ni ngar ngongliyed e tin ni ngar dugliyed nrayag nra ayuwegrad ngar laked Yesus Kristus. Ma kabay e fulweg riy ko duwer nifen e fal’yangren ko rogon ni ngar ayuweged fare gospel.

Gospel Library

Fare Gospel Library e bo’or talne ayuw riy, nib mu’un e video ngay, musik, chep nib thothup, nge boch e gosgos. Ma kabay e talne ayuw riy nifen e galibithir nge tiyugang’ nrayag ni nge ayuwegrad ni ngar michib niged fapi yalen e gospel. Pi talne ayuw ney e rayag ni ngan pire’eg ko Gospel Library ko ChurchofJesusChrist.org nge fare app ko Gospel Library.

Fapi Mo’olung ko FSY

U mm’on ko fare duw nra gaman 14 e duw rorad, fapi fal’yangren e bay ni piningrad ni ngar uned ko fare mo’olung ko Fan ko Gelngin e Pi’in ni Fal’yangren (FSY). Pi mo’olung ney ab mu’un e gosgos nge klas ngay ni nge ayuweg me gel nag e mich ngak Yesus Kristus me ayuweg e fal’yangren ni ngar ilal gad u fithik’ e tin nib thothup, ni ni yad be un ngay, rogon fithik’ i dow rad, nge llowaen’ rorad.

Yib ko fapi Chep nib Thothup

Bitir era thamiy e gapas ko napan ni gadadra michib nag ngorad mornga’agen Got (muguy ko Isaiah 54:13; 3 Nephi 22:13).

Galibithir e bay e muruwel rorad ni ngar ayuweged pi farad ni ngar nanged fan fare gospel (muguy ko Doctrine and Covenants 68:25).

Kan motochiyel nag ngak e galibithir ni ngar chugliyed pifakrad “u fithik’ e tomilang nge tin nib riyul’” (Doctrine and Covenants 93:40).

Talne Ayuw nib Digital nifen e Bitir

Yaat ko chep nib thothup (scripturestories.ChurchofJesusChrist.org): Payg ningan pire’eg ningan achay, fapi vidoes, nge fapi chep nib thothup nikan yoloy nifen e tin nib bitir.

Fapi videos (ChurchofJesusChrist.org/children/videos): Yaliy ya’an nifen nge mornga’agen e bitir.

Children’s collection ulan fare Gospel Library: Ko fare app nge fare ChurchofJesusChrist.org, fare Gospel Library collection nibay u tannin e “Bitir” nibay e musik riy, vidoes, fapi yaat, nge ku boch e gosgos.

Gay Boech Morngaʼagen

Faʼanra bay e duwer rom ni morngaʼagen e bitir nge fal’yangren, rayag ni ngam non ngak e en ni ma michib ngom ni pumoʼon fa bpin, ward rom fa tiyugangʼ ko branch rom, fa boech e pi missionary. Krayag ni ngam pire’eg boch e talne ayuw ko ChurchofJesusChrist.org.

© 2023 rok Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Ni pilyeg ko Mulwol ko Liahona nifen e Pul ko, February 2023. Language. 18910 905