Mulwol Ni fan Gelingin e Pi’in ni Fal’yangren nifen e Pul ko, February 2023

Ba T’uf ni Ngad Polo’ Gad e Chiney?

Keb rok Elder Jeffrey R. Holland

Ko fare Ulungi ko fare Ragag nge L’agruwi Apostle

Yib ko mulwol ko October 2017 ko fare mo’olung ko general conference.

Yib rok’ Emily E. Jones

Fapi chep nib thothup e kan yoloy ni nge tawa’ath nag me pii’ e athamgil ngodad, ya arram fan nibay. Machane gabe guy ni bay bochingiyal’ ma be yibi m’ug boch e pi thin ney ma gadad be guy ni gadad be palog ko ran’ey? Wod e biney: “Ere thingar mpired ni gimed ba yal’uw, ni bod e Chitamangimed … ni bay u tharmiy nib yal’uw!” (Matthew 5:48). Biney e motochiyel, ma wod ni gadad ba’adag ni ngad mith gad nga tan e gulgul ngad mitheged lolgandad. Biney ni yibe yog ngodad ni ngad rrin’ed e wod ni rib momaw’. Machane Somoel e dabi pii’ ba motochiyel ngodad ni manang rok’ ni dabiyag rodad ni ngad ayuweged.

“Ymired ngakʼ Kristus, ngam machalbog gaed rokʼ,” Moroni ni wenig nag. “Tʼufeg Got u poloʼ fanmed pasig, nge laniyaenʼmed, nge gelingmed, ma arame … nu dakean e murnguy rokʼ e ngam machalbog gaed riy rokʼ Kristus;” (Moroni 10:32; uneg boch e thin ngay). Athap rodad ko biney e machalbog e ngan thapeg ni wod ba tawaʼath ni yib u tharmiy—ndabiyag “pilwon” rodad.

Karimus ni Yesus, ma dakriy beʼ ngay ni gadad be lek woʼen ulan e biney e yafos, ere ngiyalʼ ni gadad bay ni gadad fos gayed rogon ngad ulʼulʼgad ngan monʼog ma gadad pag e tafney ni de felʼ nifan ngodad nge boch e gidiiʼ.

Faʼanra gadadra athamgil, ma ubang ulan e yafos nib manechubog e bayni mʼug nag pin poloʼ nag e gubin riy—ni irerram fan fare bin Beʼech e Mʼag ko poloʼnag.

© 2023 rok Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren, ko February 2023. Language. 18910 905