UMyalezo Wanyanga zonke we Liyahona ngoFebhruwari 2023

Izinsiza Zentsha Nabantwana

Abazali banomthwalo osemqoka wokufundisa abantwana babo ngoJesu Kristu nangevangeli Lakhe. IBandla likaJesu Kristu labaNgcwele beziNsuku zokuGcina linezinhlangano, izinhlelo, kanye nezinye izinsiza ukusiza abazali emizamweni yabo. Ngokubambisana, abazali, abaholi beBandla, kanye nabangani bangabasiza bonke abantwana nentsha ukuba beze kuKristu.

Isithombe nguBen Johnson

INhlangano yabaNtwana

INhlangano yabaNtwana yinhlangano yeBandla yabantwana abanezinyanga eziyi-18 kuya kwabaneminyaka eyi-11. KuleNhlangano, abantwana bafunda ngoJesu Kristu nangeVangeli Lakhe ngezifundo, umculo, kanye nokwenziwayo. INhlangano yabaNtwana ingabasiza abantwana baluzwe uthando lukaNkulunkulu ngabo.

ImiGwamanda yobuPristi buka-Aroni, namaKlasi amaNtombazane

NgoJanuwari wonyaka lapho abantwana beba neminyaka eyi-12, bayasuka eNhlanganweni yabaNtwana baye kwimigwamanda yobuPristi buka-Aroni (yabafana) noma emakilasini amaNtombazane. Kuleyo migwamanda yabo nakulawo makilasi abo, intsha iyaqhubeka nokuqinisa ubufakazi bayo nokusebenzela abanye.

Uhlelo Lwabantwana nolweNtsha

Ebusheni Bakhe, uJesu wakhula “ekuhlakanipheni, nasekukhuleni, nasemseni kuNkulunkulu nakubantu” (NgokukaLuka 2:52). Uhlelo Lwabantwana nolweNtsha lusiza amalungu eBandla asemancane ukuba alandele isibonelo sikaKristu. Ayafunda futhi akhuliswe kuzo zonke izindlela zokuphila––ngokomoya, ngokuhlalisana nabantu, ngokomzimba, kanye nangokwengqondo.

AmaPhephabhuku eBandla

Iphephabhuku leBandla elenzelwe abantwana yi Friend (Umngani). Iphephabhuku For the Strength of Youth (Okwakha Intsha) lenzelwe intsha. Lamaphephabhuku anezindaba, izimfundiso, kanye nokwenziwayo okubhalelwe ikakhulu abantwana kanye nentsha.

For the Strength of Youth (Okwakha Intsha) Incwadi Yesiqondiso

For the Strength of Youth (Okwakha Intsha): Incwadi Yesiqondiso Yokukhetha ifundisa intsha ngamaqiniso evangeli. Ibafundisa ukuthi bangazithatha kanjani izinqumo ezizobasiza balandele uJesu Kristu. Kufakwe kuyo nezimpendulo zemibuzo intsha engaba nayo mayelana nokuthi bangaliphila kanjani ivangeli.

UMthombo woLwazi weVangeli

UMthombo woLwazi weVangeli unezinsiza eziningi ezitholakala kwi-intanethi, okubalwa kuzo amavidiyo, umculo, izindaba zemibhalo engcwele, kanye nokwenziwayo. Kuwo kukhona izinsiza zokusiza abazali nabaholi bafundise ngemigomo yevangeli. Lezinsiza zitholakala eMthonjeni woLwazi weVangeli ku ChurchofJesusChrist.org ngokunjalo nakwi-app yoMthombo woLwazi weVangeli.

INgqungquthela Yokwakha Intsha

Intsha iyamenywa ukuba ize kwingqungquthela yokwakha Intsha ngonyaka lapho beba neminyaka eyi-14. Kulengqungquthela kukhona okwenziwayo kanye namakilasi asiza ukuqinisa ukholo kuJesu Kristu nokubasiza bakhule ngokomoya, ngokuhlalisana nabantu, ngokomzimba, kanye nangokwengqondo.

Okuvela Emibhalweni Engcwele

Abantwana bazozwa ukuthula ngesikhathi sibafundisa ngoNkulunkulu (bheka u-Izaya 54:13; 3 Nefi 22:13).

Abazali banomthwalo wokufundisa abantwana babo ukuba baliqonde ivangeli (bheka IMfundiso neziVumelwano 68:25).

Abazali bayalwa ukuba bakhulise abantwana babo “ekukhanyeni naseqinisweni” (IMfundiso neziVumelwano 93:40).

Izinsiza Zabantwana Ezitholakala kwi-Intanethi

Izindaba zemibhalo engcwele (scripturestories.ChurchofJesusChrist.org): Thola amakhasi okufaka imibala, amavidiyo, izindaba zemibhalo engcwele ezibhalelwe abafundi abasebancane.

Amavidiyo (ChurchofJesusChrist.org/children/videos): Buka amavidiyo enzelwe futhi amayelana nabantwana.

Okuqoqwe ngabantwana eMthonjeni woLwazi weVangeli: kwi-app naku ChurchofJesusChrist.org, iqoqo loMthombo woLwazi weVangeli ngaphansi kwesihloko esithi “Abantwana” linomculo, amavidiyo, izindaba, kanye nokunye okwenziwayo.

Thola Olunye Ulwazi

Uma unemibuzo mayelana nezinsiza zeBandla, ungakhuluma nabafowenu noma odade abasizanayo, abaholi bewadi noma begatsha lakho, noma abefundisi. Ungaphinde uthole izinsiza eziningi ku ChurchofJesusChrist.org

© 2023 ngabakwa Intellectual Reserve, Inc. All rights reserved. Ishicilelwe eMelika. Usuku okuvunywe ngalo ukuba lesi sifundo sikhishwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly Liahona Message, February 2023. Language. 18910 783