“Na re Hloka ho Phetheha Hona Joale?“ Bakeng Sa Matlafalo ea Bacha, Hlakola 2023.
Molaetsa oa khoeli Bakeng Sa Matlafalo ea Bacha Hlakola 2023
Na re Hloka ho PhethehaHona Joale?
Ho tsoa ho Puo ea seboka se akaretsang sa Mphalane 2017
Lits´oants´o ka Emily E. Jones
Mangolo a halalelang a ngotsoe ho hlohonolofatsa le ho re khothatsa ´me kannete a etsa joalo. Empa na u kile ua hlokomela hore hangata temana e tla hlaha e re hopotsa hore rea fosa? Mohlala: “´Me joale phethehang, joalo ka ha Ntat´a lona…ea maholimong a phethehile” (Mattheu 5:48). Ka taelo eo, re batla ho khutlela betheng ´me re ipate lihlooho ka likobo. Sepheo se joalo sa celestiale se bonahala se le hole le phihlelo ea rona. Empa kannete Morena a ke ke a re fa taelo eo a tsebang hore re tla sitoa ho e boloka.
“E, tlong ho Kreste, ´me le phethehe ho Eena,” Moroni o oa kopa. “Rata Molimo ka matla oohle ea hau, le mohopolo, ebe… ka mohau oa hae le tle le phethehe ho Kreste” (Moroni 10:32; khatiso e kentsoe). Ts´epo ea rona feela bakeng sa phetheho ea ´nete ke ho e amohela e le mpho ho tsoa leholimong—re sitoa ho e “fumana”.
Ntle le bakeng sa Jesu, ha ho so be le liketsahalo tse se nang koli leetong lena leo re le pheeletseng , joale ha re sa le ´meleng o shoang ha re loaneleng ntlafalo e tsitsitseng ´me re leke ho qoba litebello tse phahameng ka rona le ka ba bang.
Ha re phehella, mohlomong kae kae bosafeleng matlafalo ea rona e tla fela le ho fella—e leng tlhaloso ea Testamente e Ncha ea phetheho.
© 2023 ka Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea phetolelo: 6/19. Phetolelo ea Monthly For the Strength of Youth Message, Hlakola 2023. Language. 18910 739