“Magkari sa Iya,” Para sa Kusog sang mga Lamharon, Mar. 2023.
Bulanan nga Mensahe sang Para sa Kusog sang mga Lamharon, Marso 2023
Magkari sa Iya
Ang Manluluwas nagaagda sa aton nga ihatag naton ang aton mga kabudlayan sa Iya.
Ilustrasyon ni Annie Henrie Nader
Kari sa akon
Pwede kita magpalapit sa Manluluwas paagi sa pagtuon sang Iya ebanghelyo, pag-angkon sang pagtuo sa Iya, paghinulsol, paghimo kag pagtuman sang mga kasugtanan, kag pagsunod sa Iya ehemplo.
ginabudlayan … ginabug-atan
Ang pisikal nga pagpangabudlay kag pisikal nga kabug-at mahimo nga magpakapoy sa aton, pero amo man ang mental, emosyunal, kag espirituhanon. Ang Manluluwas nagatanyag sa aton sang Iya kalinong, bisan ano man nga klase sang kabug-aton ang aton ginapas-an.
gota
Ang gota isa ka kasangkapan para iangot ang duha ka sapat para nga upod sila nga magguyod sang kalargahon, pareho sang arado ukon karosa. Ang gota masami may kahoy nga balayan nga nagatungtong sa kurba sang likod sang tagsa ka sapat, nga nagabalanse sang bug-at.
magtuon
Pwede kita nga magtuon parte kay Jesucristo paagi sa pagtuon sang Iya mga pinanudlo kag Iya ehemplo—kag paagi sa pagtinguha nga sundon sila.
kapahuwayan
Ang kapahuwayan sang Manluluwas amo ang Iya kalinong, nga nagapakalma sang aton mga kaisipan kag mga espiritu. Ginabuligan Niya kita nga malampuwasan ang dutan-on nga mga palaligban kag ginahatagan kita sang kusog kon daw nagaluya kita.
mahulas … mamag-an
Ang pagdala sang gota sang Manluluwas sa aton mga kaugalingon nagakahulugan nga ginahigot naton ang aton mga kaugalingon sa Iya paagi sa mga kasugtanan. Nagakahulugan ini sang paghatag sang aton mga tagipusuon sa Iya kag sa Iya buluhaton. Kon himuon naton ini, ang aton mga kabudlayan daw mas nagamag-an tungod ginabuligan Niya kita.
© 2023 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, March 2023. Language. 18905 861