Etop Liahona eke ofuri Ɔfiɔŋ, April 2023

Mbuɔtidem ke Jesus Christ

Jesus Christ, otode Harry Anderson

Edinyene mbuɔtidem ke Jesus Christ edi akpa ukpep-ŋkpɔ eke ikɔ Abasi (se Ikɔ Mbuɔtidem 1:4). Mbuɔtidem nnyin anwam nnyin imek mme mbumek emi edidade nnyin usuŋ ifiak ibine Ete Heaven nnyin. Nnyin imikeme edinam-utom man isɔŋɔ mbuɔtidem nnyin ke ofuri eyo uwem nnyin.

Nso Idi Mbuɔtidem?

Mbuɔtidem edi ata edinim mme edibere-edem ke ŋkpɔ kiet. Edinyene mbuɔtidem esine edidori-enyin nnɔ nyuŋ nim ke mme ŋkpɔ emi edide akpanikɔ, kpa kini nnyin mikwe mmɔ mme edifiɔk mmɔ ofuri-ofuri (se Mme Hebrew 11:1, Allma 32:21).

Mbuk otode Christ ye Ekpri Owo Inyene, otode Heinrich Hofmann

Mbuɔtidem Owuhɔde ke Jesus Christ

Man ada aka erinyaŋa-ukpɔŋ, mbuɔtidem nnyin ana owuhɔ ke Jesus Christ nte Andinyaŋa ye Andifak nnyin. Ndinyene mbuɔtidem ke Jesus ɔwɔrɔ edinyene uko ke Enye. Oro ɔwɔrɔ edibere-edem ofuri-ofuri ke Enye—ɔbuɔtidem ke odudu, ɔniɔŋ, ye ima Esie. Oro nko esine edinim-ke-akpanikɔ nyuŋ ntiene mme ukpep-ŋkpɔ Esie.

Edikɔri Mbuɔtidem Nnyin

Mbuɔtidem edi enɔ otode Abasi, edi nnyin ana iyom enye inyuŋ inam-utom man inam enye ɔsɔŋɔ-ada. Nnyin imikeme edikɔri mbuɔtidem nnyin ke edibɔŋ-akam nyuŋ nkot ŋwed ye mme ukpep-ŋkpɔ eke mme prophet ekpere-edem usen. Nnyin nko imisɔŋɔ mbuɔtidem nnyin nte nnyin idude edinen-uwem inyuŋ inim ediomi nnyin.

Edidu-uwem ke Mbuotidem

Mbuotidem okpon-akan ndinim-ke-akpanikɔ. Oro esine edinam-ŋkpɔ ke mbuɔtidem oro. Nnyin iwut mbuɔtidem nnyin ke usuŋ emi nnyin idude uwem. Mbuɔtidem ke Jesus Christ ɔdɔŋ nnyin ete itiene nsana-mma uwut-ŋkpɔ Esie. Mbuɔtidem nnyin anam nnyin ikop-item mbet, ikabara-esit ke mme idiɔkŋkpɔ nnyin, inam inyuŋ inim ediomi.

Mbuɔtidem Ekeme Edida nkesim mme Utibe-ŋkpɔ

Ata mbuɔtidem adada mme utibe-ŋkpɔ edi, emi ekemede edisine mme nkukut, ndap, edikɔk-uduɔŋɔ, ye mme enɔ efen emi otode Abasi. Nwed Abasi esine ediwak mbuk eke mme owo emi ekebɔde utibe-ŋkpɔ eto Jehovah otode ke mbuɔtidem emi mmɔ enyenede ke Enye. Se “Utibe-ŋkpɔ” odude ke Ndausuŋ ɔnɔde Nwed Abasi yom ubak uwut-ŋkpɔ.

Mbuɔtidem Ekeme Edida Emem Edi

Edinyene mbuɔtidem ke Abasi ye uduak erinyaŋa-ukpɔŋ Esie ekeme edisɔŋɔ nnyin idem ke mme afainikɔŋ nnyin. Mbuɔtidem ekeme edinɔ nnyin ɔsɔŋɔ edisin-ifik nka iso nyuŋ nyɔ nsɔŋɔ-ŋkpɔ nnyin ye uko. Kpa kini etiede nte ufiɔkke ini-iso, mbuɔtidem nnyin ke Andinyaŋa ekeme edinɔ nnyin emem.

Mbuɔtidem ke Jesus Christ Ada ekesim Erinyaŋa-ukpɔŋ

Ndinyene mbuɔtidem ke Christ eyeda ekesim erinyaŋa-ukpong nnyin. Christ ama ebeŋe usuŋ oro ɔnɔ nnyin man ibɔ nsinsi uwem. Nte nnyin idude uwem oto mbuɔtidem nnyin ke Enye, nnyin imikeme edibɔ erifen ke idiɔkŋkpɔ nnyin inyuŋ ifiak inyɔŋ ikoduŋ ye Abasi.

Otode Ŋwed Abasi

Mbuɔtidem oto ke erikop ikɔ Christ (se Mbon Rome 10;17).

Mbuɔtidem eke misaŋake ye erinam ŋkpɔ akpa (se James 2;17--18).

Jehovah ekeme edi-nam kpukpru ŋkpɔ ɔnɔ nnyin edieke nnyin inyenede mbuɔtidem (se Akpa Ŋwed Nephi 7:12).

Mme Ikɔ eke Editi-de

Ediomo: edisana enwɔŋɔ emi nnyin inamde ye Abasi. Nnyin inam ediomi kini mme edinam-ikɔ Abasi oruk nte baptism ye endowment eke temple.

Utibe-ŋkpɔ: utibe-utibe edinam emi otode ke odudu Abasi. Nnyin imokut mme utibe-ŋkpɔ otode ke mbuɔtidem emi nnyin inyenede ke Jehovah.

Uduak erinyaŋa-ukpɔŋ: Uduak Abasi man anwam nditɔ Esie ekan idiɔkŋkpɔ ye mkpa man enyɔŋ ebine Enye. Mbuɔtidem ke Jesus Christ edi akpan ŋkpɔ ke uduak emi koro oto Erisio-isop Esie kpɔt ke ekeme erinyaŋa nnyin.

Yom Ediwak Ŋkpɔ Efen

Edieke mbufo enyenede mbume kabaŋa mbuɔtidem, afo emekeme edineme ye ɔnɔ-unwam eyen-eka eren mme anwan, mme adausuŋ eke ward mme eke branch, mme ɔkwɔrɔ-ikɔ Abasi mbufo. Mbufo nko emekeme edikut mme ukpep ye ŋkpɔ-utom unwam efen abaŋade mbuɔtidem ke ChiuchofJesusChrist.org mme ke Gospel Lbrary app.

©2023 eketode Intellectual Reserve, Inc. Ekpan kpukpru unen ndiming nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop eke Liahona eke ofuri Ɔfiɔŋ, April 2023. Language. 19006 553