Berede Esit Fo nnɔ Edisana Spirit

Otode President Henry B. Eyring

Udiana Onɔitem ke First Presidency

Otode ke etop eke akwa mbono April 2018.

Kini Easter emi, ami mmɔkɔm Ete Heaven nnyin ke enɔ eke Edima Eyen Esie, emi ekenyimede edi-di ke isɔŋ man edidi Andifak nnyin. Ami mmokop inemesit ke edidiɔŋɔ ke Enye okosio-isop ɔnɔ idiɔkŋkpɔ nnyin onyuŋ edemede ke Eriset. Kpukpru usen ami mmɔfɔn iso edidiɔŋɔ ke, otode ke Erisio-isop Esie, ke ami ke usen kiet nyeset man ndu uwem nsinsi ke edima ufɔkemana.

Ami mmediɔŋɔ mme ŋkpɔ oro oto ke nkokure usuŋ ekededi owo nyin ekemede edidiɔŋɔ mmɔ. Edisana Spirit ama etiŋ ɔnɔ ekikere ye esit mi ete ke mmɔ edi akpanikɔ—idige ke ini kiet edi esiwak.

Nnyin iminyene nsɔŋurua enwɔŋɔ eke Edisana Spirit nte nsaŋa. Iso-utom nnyin edi edimek mberede esit nnyin man ibɔ nka-iso ndausuŋ ŋkpɔ-spirit ye ndɔŋesit otode Edisana Spirit ke ofuri eyo uwem nnyin.

Akpa mbumek edi man isuhɔre-idem kiso Abasi.

Udiana edi man ibɔŋ-akam ye mbuɔtidem ke Obong Jesus Christ.

Oyoho ita man ineŋere ikop-item.

Ndiene oyoho inaŋ edi man ibɔŋ-akam edidiɔŋɔ mme unana ye esit mbon efen ye nte idinwamde mmɔ inɔ Abasi.

Ami mbeŋe ye ofuri esit mi yak mbufo ekop uyo eke Spirit, emi eneŋere enɔ ke eti-esit esɔk mbufo. Ndien ami mbeŋe yak mbufe eberede esit mbufo kpukpru ini man ebɔ Spirit oro man mbufo enyene idara ke edinyene Enye odu ye mbufo nte nsaŋa mbufo ke kpukpru ini

©2023 eketode Intellectual Reserve, Inc. Ekpan kpukpru unen ndiming nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop eke Ofuri Ɔfiɔŋ Kabaŋa Nsɔŋɔnda eke Iwaad, April 2023. Language. 19006 553