Հավատք առ Հիսուս Քրիստոս

Նկար

Հիսուսի նկարը

Հիսուս Քրիստոս, հեղինակ՝ Հարի Անդերսոն

Առ Հիսուս Քրիստոս հավատք ունենալը ավետարանի առաջին սկզբունքն է (տես Հավատո Հանգանակ 1․4)։ Մեր հավատը կօգնի մեզ կատարել ընտրություններ, որոնք մեզ կվերադարձնեն մեր Երկնային Հոր մոտ։ Մենք կարող ենք աշխատել ամրացնել մեր հավատը մեր ողջ կյանքի ընթացքում։

Նկար

մանուկներն ու պատանիները հավաքվել են գրքի շուրջ

Ի՞նչ է հավատքը:

Հավատքը հաստատուն համոզմունք կամ վստահություն է ինչ-որ բանի նկատմամբ։ Հավատք ունենալը ներառում է հուսալ և հավատալ այն բաներին, որոնք ճշմարիտ են, նույնիսկ երբ մենք չենք կարող դրանք տեսնել կամ ամբողջությամբ հասկանալ (տես Եբրայեցիս 11․1, Ալմա 32․21)։

Նկար

Հիսուս Քրիստոսի դիմանկարը

Դրվագ՝ Christ and the Rich Young Ruler [Քրիստոսը և հարուստ երիտասարդ կառավարիչը], հեղինակ՝ Հեյնրիխ Հոֆման

Հիսուս Քրիստոսի վրա կենտրոնացած հավատք

Փրկության տանելու համար մեր հավատքը պետք է կենտրոնանա Հիսուս Քրիստոսի վրա՝ որպես մեր Փրկիչ և Քավիչ։ Առ Քրիստոս հավատք ունենալ նշանակում է վստահել Նրան։ Դա նշանակում է ամբողջովին ապավինել Նրան՝ վստահել Նրա զորությանը, խելքին և սիրուն։ Դա ներառում է նաև Նրա ուսմունքներին հավատալը և դրանց հետևելը։

Նկար

զույգն ուսումնասիրում է սուրբ գրությունները

Մեծացնենք մեր հավատքը

Հավատքը պարգև է Աստծո կողմից, բայց մենք պետք է փնտրենք այն և աշխատենք, որպեսզի ամուր պահենք։ Մենք կարող ենք մեծացնել մեր հավատքը աղոթելով և ուսումնասիրելով սուրբ գրությունները և վերջին օրերի մարգարեների ուսմունքները։ Մենք նաև ամրացնում ենք մեր հավատքը, երբ ապրում ենք արդար կյանքով և պահում մեր ուխտերը։

Ապրենք հավատքով

Հավատքն ավելին է, քան համոզմունքը։ Այն ներառում է այդ համոզմունքի հիման վրա գործելը։ Մենք մեր հավատքը ցույց ենք տալիս մեր ապրելակերպի միջոցով։ Հավատքն առ Հիսուս Քրիստոս մղում է մեզ հետևել Նրա կատարյալ օրինակին։ Մեր հավատքը մեզ առաջնորդում է հնազանդվել պատվիրաններին, ապաշխարել մեր մեղքերը և կապել ու պահել ուխտերը։

Նկար

Հիսուսը բժշկում է կույր մարդուն

Հավատքը կարող է հանգեցնել հրաշքների

Ճշմարիտ հավատքը առաջ է բերում հրաշքներ, որոնք կարող են ներառել տեսիլքներ, երազներ, բժշկումներ և այլ պարգևներ, որոնք գալիս են Աստծուց։ Սուրբ գրություններում կան բազմաթիվ պատմություններ մարդկանց մասին, ովքեր տեսել են Տիրոջ հրաշքները, քանի որ հավատացել են Նրան։ Տես Սուրբ գրքերի ուղեցույցի «Հրաշք» բաժինը որոշ օրինակների համար։

Հավատը կարող է խաղաղություն բերել

Առ Աստված և Նրա փրկության ծրագիրը հավատք ունենալը կարող է ամրացնել մեզ մեր դժվար պահերին։ Հավատը կարող է մեզ ուժ տալ առաջ գնալու և մեր դժվարություններին քաջությամբ դիմակայելու համար։ Նույնիսկ երբ ապագան անորոշ է թվում, մեր հավատքն առ Փրկիչը կարող է մեզ խաղաղություն տալ։

Նկար

հայրը գրկել է իր երեխային, մինչ նրանք նայում են Հիսուսի նկարին

Հավատքն առ Հիսուս Քրիստոսը տանում է դեպի Փրկություն

Հիսուս Քրիստոսի հանդեպ հավատքի գործադրումը կարող է առաջ բերել մեր փրկությունը։ Քրիստոսը մեզ համար ուղի է պատրաստել՝ ստանալու հավերժական կյանք։ Երբ մենք ապրում ենք համաձայն Նրա հանդեպ մեր ունեցած հավատքի, մեր մեղքերը կարող են ներվել և մենք կարող ենք վերադառնալ ու կրկին ապրել Աստծո հետ։

Խոսքեր, որոնք պետք է հիշել

Ուխտ․ սրբազան խոստում, որը մենք տալիս ենք Աստծուն։ Մենք ուխտեր ենք կապում այնպիսի արարողությունների ժամանակ, ինչպիսիք են մկրտությունը և տաճարային օժտումը։

Հրաշք․ Աստծո զորությամբ կատարված արտասովոր իրադարձություն։ Մենք տեսնում ենք հրաշքներ, քանի որ հավատում ենք Տիրոջը։

Փրկության ծրագիր․ Աստծո ծրագիրը՝ օգնելու Իր զավակներին հաղթահարել մեղքն ու մահը, որպեսզի վերադառնան Իր մոտ։ Հավատքն առ Հիսուս Քրիստոս կարևոր է այս ծրագրում, քանի որ միայն Նրա Քավության միջոցով մենք կարող ենք փրկվել։

© 2023 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly Liahona Message, April 2023-ի թարգմանությունը։ Language. 19006 201