«Ձեր սիրտը բացեք Սուրբ Հոգու առաջ», Երիտասարդներին զորացնելու համար, ապրիլ 2023։
Երիտասարդներին զորացնելու համար ամենամսյա ուղերձ, ապրիլ 2023
Ձեր սիրտը բացեք Սուրբ Հոգու առաջ
Զատկի այս օրերին ես շնորհակալություն եմ հայտնում մեր Երկնային Հորը Նրա Սիրելի Որդու պարգևի համար, ով կամավոր եկավ երկիր՝ լինելու մեր Քավիչը։ Ես երախտապարտ եմ, իմանալով, որ Նա քավեց մեր մեղքերը և բարձրացավ Հարությամբ: Ամեն օր ես օրհնված եմ` իմանալով, որ Նրա Քավության շնորհիվ ես գուցե մի օր հարություն կառնեմ, որ հավերժ ապրեմ սիրառատ մի ընտանիքում:
Ես գիտեմ այդ բաները այն միակ ուղիով, որ մեզանից ամեն մեկը կարող է իմանալ: Սուրբ Հոգին խոսել է իմ մտքում և իմ սրտում, որ դրանք ճշմարիտ են, ոչ թե մեկ անգամ, այլ հաճախակի:
Մենք ունենք Սուրբ Հոգու ընկերակցության անգին խոստումը։ Մեր պարտականությունն է բացել մեր սրտերը՝ ողջ կյանքում Սուրբ Հոգու միջոցով շարունակական հոգևոր առաջնորդություն և մխիթարություն ստանալու համար։
Նկարները՝ Էմիլի Ի․ Ջոնսի
Առաջին ընտրությունն է լինել խոնարհ Աստծո առաջ։
Երկրորդը՝ հավատքով աղոթելն է առ Տեր Հիսուս Քրիստոսը։
Երրորդը՝ ճշգրտորեն հնազանդվելն է։
Եվ չորրորդը՝ աղոթելն է, իմանալու համար ուրիշների կարիքներն ու սրտերը և թե ինչպես օգնել նրանց Տիրոջ անունից։
Ես աղոթում եմ իմ ողջ սրտով, որ դուք լսեք Հոգու ձայնը, որն ուղարկվում է ձեզ այնպես առատորեն: Եվ ես աղոթում եմ, որ դուք միշտ բացեք ձեր սիրտը Հոգին ստանալու համար, որպեսզի մշտապես ունենաք Հոգին ձեզ հետ ուղեկից ունենալու ուրախությունը։
© 2023 by Intellectual Reserve, Inc. All rights reserved. Տպագրված է ԱՄՆ-ում։ Անգլերենի հաստատումը. 6/19։ Թարգմանության հաստատումը. 6/19։ Monthly For the Strength of Youth Message, April 2023-ի թարգմանությունը։ Language. 19006 201