Pweng ke Mahlwem Nuhkwewa luhn Liahona, Eprel 2023

Luhlahlfongi ke Jisus Kraist

Jisus Kraist, sel Harry Anderson

In oasr luhlahlfongi kacl Jisus Kraist pa ip yohk se emet ke wosasuc (liye Ip Yohk ke Luhlahlfongi 1:4). Luhlahlfongi lasr uh e kahsre kuht in oraclah sulaclah ma e kol kuht in fohlohk nuh yurun Pahpah Inkuhsrao. Kuht kuh in orekma in ahkfokokoye luhlahlfongi lasr uh ke moul lasr nohfohn.

Meac Luhlahlfongi?

Luhlahlfongi pa etuh pwacye ke ma se. In oasr luhlahlfongi pa in finsrak nuh ke ma se ac luhlahlfongi ma pwacye, fine kuht tiac na liye kuh kahlwem kac (liye Hebrews 11:1; Alma 32:21).

Mwe ahkuhtweyac ke Christ and the Rich Young Ruler[Kraist ac Mwet Kol Fuhsr Kahsruhp sac] sel Heinrich Hofmann C.

Luhlahlfongi ke Jisus Kraist

In kol nuh ke molwelah, luhlahlfongi lasr uh enenuh in an kacl Jisus Kraist lah El pa Mwet Lahngo ac Mwet in Molwelah lasr. Kalmacn luhlahlfongi ke Jisus Kraist pa in fukyang nuh Sel. Kalmac pa kuht in sang ma nuhkwewa nuh Sel—luhlahlfongi ke kuh, suhmaht, ac luhngse Lal. Oacyacpac in luhlahlfongi ac ukwe mwe luti Lal.

Ahkyohkye Luhlahlfongi Lasr

Luhlahlfongi uh pa sie mwe sang sin God, tuh kuh enenuh in suk kac ac orekma in karihngihn tuh fokoko. Kuht kuh in ahkyohkye luhlahlfongi lasr ke pruhe ac lutlutkihn ma suhmuhslah ac mwe luti luhn mwet pahluh lasr mihsenge. Kuht kuh in ahkyohkye luhlahlfongi lasr ke kuh moulkihn moul suwohs se ac karihngihn olwelah lasr.

Moul ke Luhlahlfongi

Luhlahlfongi el yohk likina finsrak na. Kalmeyac pa mukwikwi nuh ke luhlahlfongi sacn. Kuht ahkkahlwemye luhlahlfongi lasr ke ohiyacn moul lasr. Luhlahlfongi lasr kacl Jisus Kraist pa mokle kuht in ukwe srihkasrak suwohs Lal. Luhlahlfongi lasr kol kuht in ahkos masap uh, auliyak liki ma koluk lasr, ac oraclah ac karihngihn olwelah lasr.

Luhlahlfongi kuh in Oraclah Ma Usrnguck

Luhlahlfongi pwacye use ma usrnguck, ma weacng aruhruhma, mwemwe, onweyuck, ac mwe sang sahyac ma tuhkuh sin God. Ma suhmuhslah uh nwacnwack sramsram pucs sin mwet suc eis ma usrnguck sin Leum ke srihpen luhlahlfongi lalos Kacl. Liye “Ma Usrnguck” ke Guide to the Scriptures ke kuhtuh srihkasrak.

Luhlahlfongi Kuh in Use Mislac

Luhlahlfongi ke God ac plwacn in molwelah Lal kuh in ahkkweyekuht ke pacl upac lasr. Luhlahlfongi kuh in use nuh sesr kuh in fahsr nuh met ac sun ma upac nuh sesr ke puhlaik. Finne kuht tahfuh luo ke moul lasr, luhlahlfongi lasr ke Mwet Lahngo kuh in use mislac.

Luhlahlfongi kacl Jisus Kraist Kol nuh ke Moliyuck

Orekmakihn luhlahlfongi kacl Kraist fah kol nuh ke moliyuck lasr Kraist el ahkolah kacsr inkacnek se kuht in eis moul ma pahtpaht. Iwaclah sac use pac nuh sesr sie inkacnek in eis nuhnak muhnahs ke ma koluk lasr uh ac in moul ma pahtpaht yurin God.

Ke Ma Suhmuhslah uh

Luhlahlfongi tuhkuh ke kuht lohng kahs luhn God (liye Romans 10:17).

Luhlahlfongi fin wacngihn orekma misac (liye James 2:17–18).

Leum El kuh in oruh ma nuhkwewa nuh sesr kuh fin luhlahlfongi (liye 1 Nephi 7:12).

Kahs in Esamyac

Olwelah: olwelah muhtahl kuht oraclah yurun God. Kuht oraclah olwelah nuh ke akwuck oacna pacptais kuh mwe sang muhtahl luhn tempuhl.

Ma usrnguck: ke ma wolacna sikyak ke srihpen kuh luhn God. Kuht liye ma usrnguck ke srihpen luhlahlfongi lasr ke Leum.

Plwacn in molwelah: plwacn luhn God in kahsruh tuhlihk Nahtuhl kuhtanglah ma koluk ac misac in fohlohk nuh Sel. Luhlahlfongi ke Jisus Kraist yohk srihpac nuh ke plwacn se inge mweyen nuh ke Iwaclah Lal muhkwena kuh in moliyucklac.

Konwacack Kuhtuh Pac

Fin oasr kihsensiyuck lom ke sie luhlahlfongi kom kuh in sramsram nuh sin tamuhlwel ac tahmtahel in kahsruh luti, mwet kol ke ward kuh pracns, kuh misinacri ma. Kom kuh in oacyacpac konwacack mwe luti ac mwe kahsruh sahyac ke luhlahlfongi ke ChurchofJesusChrist.org kuh ke Gospel Library app.

© 2023 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly Liahona Message, April 2023.Language.17464 868