“Ikacslah Insiom nuh sin Nguhn Muhtahl,” Mwe Ahkkweye Mwet Fuhsr, Eprel 2023.
Pweng ke Mahlwem Nuhkwewa luhn Mwe Ahkkweye Mwet Fuhsr, Eprel 2023
Ikacslah Insiom nuh sin Nguhn Muhtahl
Ke pacl in Istuh se inge, nga kuloh nuh sin Pahpah Inkuhsrao ke mwe sang se ke Wen Sacohk Nahtuhl, suc tuhkuh ke luhngse La sifacna nuh facluh in Mwet Lahngo lasr. Nga kulohkihn in etuh lah El iwaclah ke ma koluk lasr ac tuhkahkwek ke Sifil Moulyak. Lwen nuhkwewa nga kuloh lah nga etuh ma sacn, ke srihpen Iwaclah Lal, sie lwen nga e fah sifilpac moulyak moul yurun sucu luhngse se.
Nga etuh ma inge ke inkacnek se fanna ma kuht nuhkwewa etuh kac. Nguhn Muhtahl el sramsram nuh ke nuhnak luhk ac insiyuck lah elos pwacye—tiac pacl se fanna tuhsruhk pacl puhkantwen.
Mwe sang sacohk se uliyucklac nuh sesr ke Nguhn Muhtahl pac elac wi kuht. Ma kunwacsr in sulaclah in ikacslah insiacsr in eis kolyuck ac ahkkweye yurin Nguhn Muhtahl ke puhlan pacl se inge.
Sroal sel Emily E. Jones
Sulaclah se met an pa in puhsisacl ye muhtuhn God.
Ahkluo sacn pa in pruhe ke luhlahlfongi ke Leum Jisus Kraist.
Ahktolu pa in ahkos.
Ac ahk ahkosr pa in pruhe in etuh enenuh ac insiacn mwet sahyac ac kahsrelos fuhkah nuh sin Leum.
Nga pruhe ke insiyuck nohfohn tuh kom in kuh in lohng puhsren Nguhn, suc suhpweyuckme nuh yurum. Ac nga pruhe tuh kom in kuh in ikacslah na insiom in eis Nguhn tuh kom in puhla engan se ke El wi kom pacl nuhkewa.
© 2023 sel Intellectual Reserve, Inc. Kuh ac suwohs nuhkewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly For the Strength of Youth Message, April 2023. Language. 17464 868