Binulan a Mensahe iti Friend , Abril 2023

Pagungaren ni Jesus ni Lazaro manipud kadagiti Natay

Ni Jesus a makitugtugaw kada Maria, Marta, ken Lazaro

Dagiti panangiladawan ni Apryl Stott

Adda kabsat a lalaki da Maria ken Marta nga agnagan iti Lazaro. Isuda ti gagayyem ni Jesucristo.

Ni Jesus a mangar-arakup kada Maria ken Marta

Nagsakit iti nakaro unay ni Lazaro. Di nagbayag, natay isuna. Nagladingit da Maria ken Marta. Idi dumteng ni Jesus, nakipagsangit kadakuada.

Ni Jesus a nakatakder iti tanem ni Lazaro.

Kalpasanna kimmuyog ni Jesus kadakuada a nagturong iti tanem ni Lazaro. Kinunana, “Lazaro, rummuarka.”

Ni Jesus a tumultulong ken ni Lazaro a rummuar iti tanem

Timmakder ni Lazaro ket rummuar iti tanem. Nagbiag manen isuna! Gapu ken ni Jesucristo, agbiagtayonto met amin manen!

Mabasayo daytoy nga estoria iti Juan 11:1–45.

Panid ti Panagkolor

Sibibiag ni Jesucristo

Panid ti panagkolor ti ubing a mangig-iggem iti ladawan ni Jesus

Panangiladawan ni Apryl Stott

Kasano a malagipyo ni Jesus iti panawen ti Paskua ti Panagungar?

© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, April 2023. Language. 19006 864