Binulan a Mensahe ti Liahona , Mayo 2023
Dagiti Pannursuro ni Jesucristo
Dagiti naadaw a sao
Kas insuro kadatayo ni propeta Nephi, nasken nga “agbussogtayo kadagiti balikas ni Cristo; ta adtoy, ibaganto kadakayo dagiti balikas ni Cristo ti amin a banag no ania ti rumbeng nga aramidenyo.”1 … Buklen ti mensahek ita nga aldaw ti napili a balikas ti Mangisalakantayo—no ania ti kinunana. …
“[Ti dakkel a bilin iti linteg isu daytoy:] ayatem ti Apo a Diosmo iti amin a pusom, ken iti amin a kararuam, ken iti amin a panunotmo.
“Daytoy ti umuna ken dakkel a bilin.
“Ket ti maikadua isu umasping kenkuana, Ayatem ti padam a tao a kas iti bagim.
“Kadagitoy dua a bilin agpannuray ti amin a linteg ken dagiti propeta.”2 …
“Pudno, pudno, kunak kadakayo, masapul nga agannad ken agkararagkayo a kanayon, amangan ta masulisogkayo iti sairo, ket ipanawnakayo nga adipenen.”3 …
Ngarud, ania man nga aramidenyo, aramidenyo iti naganko; ngarud awaganyonto ti simbaan iti naganko.”4 …
“Ita daytoy ti bilin: Agbabawikayo, amin nga adda iti daga, ket umaykayo kaniak ket mabuniagankayo iti naganko, tapno mapasantokayo babaen ti panangawat ti Espiritu Santo, tapno makapagtakderkayo nga awan mulitna iti sangok iti ud-udina nga aldaw.”5 …
Mamatitayo ken ni Cristo. Gibusak iti kinunana maipapan iti no kasano a nasken nga ammuen ken surotentayo dagiti pannursurona:
“Ngem ti Mangliwliwa, nga isu ti Espiritu Santo, nga ibaonto ni Ama iti naganko, isuronanto kadakayo dagiti amin a banag, ket ipalagipnanto kadakayo dagiti isu amin a banag nga imbagak kadakayo.”6
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Liahona Message, May 2023. Language. 19025 864