Mukenji wa ku Ngondu wa Liahona Ngondu Muitanu 2023
Malongesha a Yezu Kilisto
Tshikepeshelu
Bumudi muambi Nefi mutulongesha, tudi ne bua “, kutshionkomokela pa mêyi a Kilisto; bualu monayi, mêyi a Kilisto neanuambila malu onsu anudi ne bua kuenza.”1 … Mukenji wanyi lelu udi bua disungula dia mêyi a Mupandishi wetu—avuaye muamba. …
“[Mukenji munena wa ku mikenji yonsu udi ne:] Unanga Mukalenga Nzambi weba ne moyo weba mujima, ne anyima weba mujima, ne menji eba onsu.
“Etshi tshidi mukenji wa kumpala ne munena.
“Ne muibidi udi mufuanangana nenda, Unanga mukueba bu mûdi mudinanga”.
“Ku mikenji eyi ibidi kikudi kukudika mikenji ne bambi.”2 …
“Bulelela, bulelela, ndi nnuambila ne, nudi ne bua kudimuka ne kusambila diba dionsu, bua kanulu kutêtshibua kudi diabulu, nenukuatshibua kudiye.”3 …
“Bua nanku, tshionsu tshinuenza, nenutshienza mu dîna dianyi; bua nanku nenubikila ekelezia mu dîna dianyi.”4 …
“Mpindiewu etshi tshidi mukenji: Kudimunayi mutshima, nuenu ndekelu ya buloba yonsu, ne luayi kundi ne nutambuishibua mu dina dianyi, bua ne nujidibua ku dipeta dia Nyuma wa Tshijila, bua ne kanuikadi ne ditoba kumpala kuanyi ku dituku dia ndekelu to.”5 …
Tudi tuitabuija mu Kilisto. Ndi njikija ne tshivuaye muamba pa mushindu utudi ne bua kumanya ne kulonda malongesha enda:
“Kadi Musambi, Nyuma Muimpa mena, watumabu kudi Tatu mu dina dianyi, yeya neanuyisha malu onsu, neanuvuluja mêyi onsu anakunuambila.”6
© 2023 by Intellectual Reserve, Inc. All rights reserved. Bipatula pa mabeji mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, May 2023. Language. 19025 760