Bulanan nga Mensahe sa Liahona, Mayo 2023
Pagpangita sang Personal nga Paghidaet
Mga Bahin
Sini nga adlaw magahambal ako sang akon natun-an parte sa milagro sang pagpangita sang personal nga paghidaet, sa bisan ano naton nga sirkumstansya. …
May natun-an ako nga indi magnubo sa lima ka kamatuoran sa [sinang] pinanudlo sang Manluluwas.
Una, ang dulot sang paghidaet ginahatag pagkatapos naton maangkon ang pagtuo nga tumanon ang Iya mga kasuguan. …
Ikaduha, ang Balaan nga Espiritu magaabot kag magaupod sa aton. …
Ikatatlo, nagapromisa sa aton ang Manluluwas nga kon tumanon naton ang aton mga kasugtanan, mabatyagan naton ang pagpalangga sang Amay kag sang Anak para sa isa kag isa kag para sa aton. …
Ikaapat, ang pagtuman sang mga kasuguan sang Ginuo nagakinahanglan sang masobra pa sangsa pagtuman. Kinahanglan naton nga palanggaon ang Dios sa bug-os naton nga tagipusuon, kusog, panghunahuna, kag kalag. …
Ikalima, maathag nga dako ang pagpalangga sa aton sang Ginuo para bayran ang bili sang aton mga sala agud kita—paagi sa aton pagtuo sa Iya kag sa aton paghinulsol, paagi sa epekto sang Iya Pagbayad-Sala—makabaton sang dulot sang paghidaet nga “nagalabaw sa tanan nga paghangop” [Filipos 4:7], sa sining kabuhi kag upod sa Iya sa wala katubtuban. …
Ang mga miyembro sa bilog nga Simbahan nakabatyag sang dulot sang Ginuo nga personal nga paghidaet. Ginapaisog niya ang tanan nga buligan ang iban nga makaangkon sang mga oportunidad nga magpalapit sa Iya kag mabaton ang amo man nga paghidaet sa ila kaugalingon. Dayon, bilang balos, pilion nila nga magpangita sang inspirasyon para mahibal-an kon paano nila mapasa ina nga regalo sa iban.
Ang ulihing-tubo mangin manug-atipan sang henerasyon nga masunod. Ang laton-laton nga epekto magatuga sang milagro. Magadako ini kag magatubo sa kadugayan, kag ang ginharian sang Ginuo sa duta mangin handa sa pagsugata sa Iya sang mga pagsininggit sang hosana. Magaluntad ang paghidaet sa duta.
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Liahona Message, May 2023. Language. 19025 861