“Gethsemane,” For the Strength of Youth, Apr. 2023.
ສະຖານທີ່ ຈາກ ພຣະຄຳພີ
ເຄັດເຊມາເນ
ຮຽນຮູ້ເພີ່ມເຕີມກ່ຽວກັບສະຖານທີ່ ທີ່ຄວາມທຸກທໍລະມານຂອງພຣະຜູ້ຊ່ວຍໃຫ້ລອດແທນເຮົາເລີ່ມຕົ້ນ.
ມັນຢູ່ໃສ?
ຢູ່ເນີນພູຂອງຕົ້ນໝາກກອກເທດ, ທາງທິດຕາເວັນອອກຂອງນະຄອນເຢຣູຊາເລັມ (ທາງເບື້ອງຂວາໃນຮູບປະກອບ, ໝາຍດ້ວຍຕົ້ນໄມ້ໃຫຍ່).
ແຜນທີ່ປະກອບຂອງນະຄອນເຢຣູຊາເລັມ ໂດຍ ຈິມ ແມດເຊັນ
ມີຫຍັງຢູ່ທີ່ນັ້ນ?
ປ່າຂອງຕົ້ນໝາກກອກເທດ ແລະ ອາດຈະມີລານໂມ້ສຳລັບຮີດນໍ້າມັນຈາກໝາກກອກ.
ມີຫຍັງເກີດຂຶ້ນຢູ່ທີ່ນີ້?
ຫລັງຈາກເຂົ້າແລງຄາບສຸດທ້າຍ, ພຣະເຢຊູຄຣິດໄດ້ໄປທີ່ສວນເຄັດເຊມາເນ ກັບສາວົກສິບເອັດຄົນຂອງພຣະອົງ. ແລ້ວພຣະອົງໄດ້ອອກໄປອະທິຖານ ແລະ ໄດ້ພາເປໂຕ, ຢາໂກໂບ, ແລະ ໂຢຮັນໄປກັບພຣະອົງ.
ພຣະອົງ “ໂສກເສົ້າ ແລະ ເປັນທຸກໜັກໃນໃຈຫລາຍ.” ພຣະອົງໄດ້ກ່າວວ່າ, “ຈິດໃຈຂອງເຮົາເປັນທຸກໜັກແທບຈະຕາຍຢູ່ແລ້ວ” (ມາຣະໂກ 14:33–34).
ພຣະອົງໄດ້ອະທິຖານວ່າ, “ພຣະບິດາເຈົ້າເອີຍ ຖ້າເປັນຄວາມປະສົງຂອງພຣະອົງແລ້ວ ຂໍໃຫ້ຈອກແຫ່ງຄວາມທົນທຸກທໍລະມານນີ້ ເລື່ອນໄປຈາກລູກທ້ອນ, ແຕ່ຢ່າງໃດກໍດີ ຂໍຢ່າໃຫ້ເປັນໄປຕາມຄວາມປາດຖະໜາຂອງລູກແຕ່ຂໍໃຫ້ເປັນໄປຕາມຄວາມປະສົງຂອງພຣະບິດາເຈົ້າເທີ້ນ.
“ແລ້ວມີເທວະດາຕົນໜຶ່ງ ຈາກສະຫວັນມາປະກົດແກ່ພຣະອົງ ຊູກຳລັງພຣະອົງຂຶ້ນ.
“ເມື່ອຊົງເກີດເປັນທຸກວຸ້ນວາຍຫລາຍຂຶ້ນ ພຣະອົງກໍຊົງຕັ້ງໃຈພາວັນນາອະທິຖານຫລາຍ ເຫື່ອຂອງພຣະອົງເກີດເປັນເໝືອນເລືອດໄຫລຢາດລົງດິນເປັນເມັດໃຫຍ່” (ລູກາ 22:42–44).
ຫລັງຈາກຄວາມທຸກທໍລະມານຢ່າງໜັກໜ່ວງຂອງພຣະຜູ້ຊ່ວຍໃຫ້ລອດ, ພຣະອົງໄດ້ຖືກທໍລະຍົດໂດຍຢູດາ ແລະ ຖືກຈັບຕົວໄປໂດຍເຈົ້າໜ້າທີ່ຊາວຢິວ ແລະ ກຸ່ມທະຫານຊາວໂຣມ.
Gethsemane [ເຄັດເຊມາເນ], ໂດຍ ໄມໂກ ມອມ
© 2023 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly For the Strength of Youth Message, June 2023. Language. 19026 331