Bisika uta na Makomi

Getesemane

Yekola mingi na ntina ya esika wapi bampasi ya Mobikisi ebandaki mpo na ntina na biso.

Ezali Wapi?

Na bokiti ya Ngomba ya Bilaya, na esiti ya Yelusaleme (na loboko ya mobali ya liyemi, elakisami na nzete monene).

Liyemi ya kalati ya Yelusaleme na Jim Madsen

Nini Ezalaki Kuna?

Elanga ya nzete ya bilaya mpe ntango mosusu masini ya kosala mafuta ya bilaya.

Nini Esalemaka Awa?

Nsima ya Bolei ya Mpokwa ya Nsuka, Yesu Klisto akendaki na zomi na moko ya Bantoma na Ye na Getesemane. Nsima Apusanaki pembeni mpo na kosambela mpe Ye azwaki Petelo, Yakobo mpe Yoane.

Ye “abandaki kokamwa, mpe kokomaka bozito mpenza.” Ye alobaki, “Molimo na ngai ezali na mawa mpenza mpo na liwa” (Malako 14:33–34).

Asambelaki, “Tata, soki olingi, longola kopo ya mpasi oyo nazali na yango: bongo bolingi na ngai te, kasi ya yo nde, esalema.

“Mpe anzelu abimelaki ye kowuta na lola, mpo na kolendisaka ye.

“Mpe kozalaka kati na mpasi ya liwa asambelaki makasi mpenza: mpe motoki na ye ezalaki lokola matanga minene ya makila ekweyaki na mabele” (Luka 22:42–44).

Nsima ya mpasi makasi oyo ya Mobikisi, Ye atekamaki na Yuda mpe bakangamaki na Bayuda mpe lisanga ya mampinga ya Baloma.

Oyebaki?

Elanga oyo ya Ngomba ya Bilaya ezalaki esika wapi Yesu akendaki mbala na mbala (tala Luka 22:39; Yoane 18:2).

“Na lokota ya Aramaic, liloba gethsemane elimboli ‘masini ya bilaya.’”¹

Ntango bilaya enikami kati ya masini, mafuta oyo etangaka ezalaka motane, lokola makila.

Na eleko ya Mobikisi, kosalaka mafuta ya bilaya ezalaki mosala ya mpasi na eteni moko na moko na ntina ya kobimisa mafuta ebele oyo esengeli:

1. Konika bilaya na libanga monene.

2. Kotia bilaya oyo enikami kati ya kitunga batonga, mpe kotia bitunga likolo ya moko nsima mosusu.

3. Kotia likonzi monene to nzete monene likolo ya bitunga batonga.

4. Kokangisa mabanga na nsuka moko ya likonzi.²

Mafuta ya Bilaya na kala ezalaki kosalisa mpo na kotia na mwinda, mafuta ya kolambela, sabuni, milulu ya bonzambe, mpe bopakoli mpo na bapota.

Mibu ebele yambo ya boyei ya Klisto, anjelu ayebisaki Mokonzi Benyamini na ntina ya mpasi ya Klisto na Getesemane, kolobaka, “Makila ekobima uta na lidusu nyonso ya loposo, mpasi na ye ekozala makasi” (Mosiya 3:7).

Mpasi ya Mobikisi na ntina na biso ezali kosangisa mpasi na Ye na Getesemane mpe na ekulusu, epai wapi Ye akufaki. Azwaki likolo na Ye moko masumu na biso nyonso, mpasi, minyoko, masenginya, bokono, mpe mikakatano (tala Alma 7:11–12).

Getesemane, na Michael Malm

Mikundola Getesemane

“Mikundola, kaka lokola nzoto ya bilaya, oyo enikamaki mpo na mafuta oyo epesaki mwinda, nde bongo Mobikisi anikamaki. Uta na lidusu nyonso ya loposo etangaki makila ya Bosikoli na biso. … Ntango kopo ya esengo na yo etondi koleka, mikundola na ntina ya kopo na Ye ya bolozi oyo ekokisaki esengo na yo. Mpe ntango mimekano makasi ekoyela bino, bomikundola Getesemane.”

Mokambi Russell M. Nelson, “Why This Holy Land?” Ensign, Dec. 1989, 18.

©2023 na Intellectual Reserve, Inc. Makoki manso mabatelami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, June 2023. Language. 19026 639

Matangi

1. Buku Mokambi na Makomi, “Gethsemane.”

2. Tala D. Todd Christofferson, Oct. 2016 general conference (Ensign to Liahona, Sanza ya zomi na moko. 2016, 50).