Ozi Liahona Kwa Ọnwa, Jun 2023

Mmụọ Nsọ Ahụ Nwere ike Inyere Anyị aka

Mmụọ Nsọ bụ ọnye nke atọ niime Ndị bụ Chukwu. Akwụkwọ nsọ nakwa arụ Ya aka dị ka Mmụọ, Mmụọ nsọ, ma ọ bụ Onye Nkasi obi. Dị ka anyị na-amụ ịńa ntị n’olu Ya, Ọ ga-agbara anyị ama banyere Jizọs Kraịst ma nyere anyị aka mụta eziokwu niile banyere ozi ọma.

Onye otu Ndị bụ Chukwu

Nna nke Eluigwe, Jizọs Kraịst, na Mmụọ Nsọ bụ Ndị bụ Chukwu. Ha hụrụ anyị naanya ma na-arụkọ ọrụ n’otu obi iji weta na mmezu atụmatụ nke nzopụta. Na-agbanyeghị na Nna nke Eluigwe na Jizọs Kraịst nwere ahụ nke anụ ahụ na ọkpụkpụ, Mmụọ Nsọ enweghị. Ọ bụ mmụọ.

Akaebe nke Nna na Ọkpara ahụ.

Mmụọ Nsọ na-agba akaebe banyere Nna na Ọkpara ahụ” (2 Nefi 31:18). Nke a pụtara na anyị nwere ike ịnata ama banyere Nna nke Eluigwe na Jizọs Kraịst site n’aka Mmụọ Nsọ.

Na-agba ama banyere Eziokwu

Mmụọ Nsọ na-agba ama banyere eziokwu niile. Ọ ga-enyere anyị aka mata na ọzi ọma ahụ—tinyere atụmatụ nke nzọpụta, iwu nsọ niile nke Chineke, Mweghachite ahụ, na Aja mgbaghara mmehie nke Jizọs Kraịst—bụcha eziokwu. Ọ ga-agba ama anyị ume dị ka anyị na-aganiihu na-ekpe ekpere, edobe iwu nsọ niile, ma na-amụ ozi ọma.

Na-edu ma Na-echekwa Anyị

Mmụọ Nsọ nwere ike duo anyị na mkpebi anyị ma chekwaa anyị site n’egwu nke anụ ahụ na nke ime mmụọ. Ọ ga-enyere anyị aka chọta azịza niile nye ajụjụ anyị niile ma ọ bụrụ ma anyị kpee ekpere ma gbaa mbọ ime ihe ziri ezi. Ọ ga-edu anyị mgbe niile “ime ihe ọma” (Ozizi na Ọgbụgba ndụ niile 11:12).

Na-akasi Anyị obi

Mmụọ Nsọ mgbe ụfọdụ ka a na-akpọkwa “Onye Nkasi obi” (Jọn 14:26). O nwere ike mee anyị “ejuputa n’olileanya na ịhụnaanya na-enweghị ntụpọ“ (Moronaị 8:26) mgbe anyị nwere nchekasị, na-ewe iwe, ma ọ bụ na-atụ egwu. Dị ka Ọ na-enyere anyị aka enweta mmetụta ịhụnaanya nke Chineke, anyị nwere ike merie mmụọ ịda mba ma nwee mgbam ume niime mnwale anyị niile.

Onyinye nke Mmụọ Nsọ.

Mgbe emechara anyị baptizim, anyị na-anata onyinye nke Mmụọ Nsọ niime otu emume nsọ a kpọrọ emume nnabata. Ozugbo anyị natara onyinye nke a, anyị nwere ike inweta Mmụọ Nsọ ịnọnyere anyị mgbe niile ọbụrụraa na anyị na-ebi ndụ ezi omume.

Ngosipụta sitere n’aka J. Kirk Richards

Otu Anyị si Na-anụ Mmụọ Nsọ.

Mmụọ Nsọ na-agwa ndị mmadụ okwu n’ụzọ dị iche iche. Ndị a nwere ike gụnye n’ụzọ udo, mmetụta na-enye nkasi obi ma ọ bụ nkuzi ndị gbasara ihe a ga-ekwu ma ọ bụ ihe a ga-eme. Dị ka anyị na-ekpe ekpere maka ntuziaka ma ńaa ntị maka nkwagide Ya, anyị nwere ike mụta otu O si agwa anyị okwu.

Site niime Akwụkwọ nsọ

Mmụọ Nsọ ga-akuziri gị ihe niile (lee Jọn 14:26).

Inwere ike ịma eziokwu site na Mmụọ Nsọ (see Moronaị 10:5).

Mmụọ Nsọ nwere ike ịgwa gị okwu niime echiche gị na niime obi gị (lee Ozizi na Ogbụgba ndụ niile 8:2).

Okwu ndị a Ga-echeta

Atụmatụ nke nzọpụta: Atụmatụ nke Chineke iji nyere ụmụ Ya aka ịdị ka ma lọghachikwute Ya.

Ọgbụgba ama: akaebe nke ime mmụọ na ihe bụ eziokwu.

Emume nso: otu ihe omume dị nsọ e mere site n’ikikere nke ọkwa nchụaja.

Chọpụtakwuo

Ọ bụrụ na enwere ajụjụ ndị i nwere gbasara Mmụọ Nsọ, i nwere ike mụọ akwụkwọ nsọ, okwu niile nke ọgbakọ zuru ọha, na akụrụngwa ndị ọzọ dị niime Ọba akwụkwọ Ozi ọma (na ChurchofJesusChrist.org ma ọ bụ niime mobile app). I nwekwara ike ikwusara ụmụnne nwoke ma ọ bụ ụmụnne nwanyị na-eje ozi nlekọta gị, ndị ndu ngalaba ukwu ma ọ bụ ngalaba nta gị, ma ọ bụ ndị mgbasa ozi ọma.

© 2023 site n’aka Intellectual Reserve, Inc. Ikike niile ka edokwara. Ebipụtara na USA. Nkwado n’asụsụ Bekee: 6/19. Nkwado ntụgharị asụsụ: 6/19. Ntụgharị asụsụ nke Ozi Liahona Kwa Ọnwa, Jun 2023. Language. 19026 593