የኢየሱስ ክርስቶስን ወንጌል ማካፈል

የኋለኛው ቀን ቅዱሳን የኢየሱስ ክርስቶስ ቤተ-ክርስቲያን አባል በመሆናችን ስለምንቀበለው በረከት ስናስብ ወንጌልን ለምንወዳቸው ለማካፈል እንፈልጋለን። ስለ እውነታው ያለንን ምስክርነት በቃላችን እና ምሳሌ በመሆን ልናካፍል እንችላለን። ለማን እንደምናካፍል እና ምን እንደምንል ለማወቅ ተነሳሽነት ለማግኘት መጸለይ እንችላለን።

ሌሎችን ውደዱ

ወንጌልን የማካፈል ወሳኙ ክፍል ሌሎችን መውደድ ነው። ክርስቶስን በሚመስል ተግባር ለሌሎች ፍቅራችንን ስናሳይ፣ አንዳንድ ጊዜ ምንም ቃል ሳንናገር-የኢየሱስ ክርስቶስን ወንጌል ለሊሎች እያካፈልን ነው። ሌሎች ደግሞ ስለ እነሱ እንደምናስብ ሲያውቁ ስለወንጌሉ ያለንን ሃሳብ ለማዳመጥ ይበልጥ ዝግጁ ሊሆኑ ይችላሉ። (ጌሪ ኢ. ስቲቨንሰን፣ “መውደደ፣ ማካፈል፣ መጋበዝ፣” ሊያሆና፣ ግንቦት 2022 (እ.አ.አ)፣ 84-87።)

በተለመደው እና ተቀባይነት ባለው መንገድ አካፍሉ

ስለ ወንጌሉ የምንወደውን ማካፈል እንችላለን። ይህንን የእለት ተእለት የህይወታችን ክፍል ስናደርግ፣ ከባድ ወይም ምቾት የሚነሳ አይሆንም። ለምሳሌ፣ እሁድ ስለምናደርገው ነገር ከቤተሰባችን እና ከጓደኞቻችን ጋር መነጋገር እንችላለን። ወይም ሊሎችን ስናገለግል ስለሚሰማን ደስታ ልንነግራቸው እንችላለን። ዲተር ኤፍ. ኡክዶርፍ፣ “የሚስዮናዊነት ሥራ፤ በልባችሁ ውስጥ ያለውን ማካፈል፣” ሊያሆና፣፣ ግንቦት 2019 (እ.አ.አ)፣ 15–18።)

ሌሎች እንዲቀላቀሉን ጋብዙ።

ስለወንጌሉ ይበልጥ እንዲማሩ ሌሎችን መጋበዝ እንችላለን። ለምሳሌ፣ ወደ ቤተ-ክርስቲያን ስብሰባ ወይም አክቲቪቲ እንዲመጡ፣ መጽሃፈ ሞርሞንን እንዲያነቡ፣ የቤተ-ክርስቲያን ቪዲዮን እንዲመለከቱ ወይም ሚሲዮናዊያንን እንዲጎበኙ ልንጋብዛቸው እንችላለን። እነዚህ ተሞክሮዎች መንፈስ ቅዱስ እንዲሰማቸው እና ይበልጥ የማወቅ ፍላጎት እንዲኖራቸው ሊረዳ ይችላል።

ስለ ተሞክሮዎቻቸው ጠይቁ

ጓደኞች እና የቤተሰብ አባላት ወደ ቤተ-ክርስቲያን ከመጡ በኋላ ወይም በሚሲዮናዊያን ትምህርት ከተሠጣቸው በኋላ፣ ስለነበራቸው ተሞክሮ ልንጠይቃቸው እንችላለን። አንዳንድ የወንጌል አስተምህሮቶች አዲስ ሊሆኑባቸው ይችላሉ፣ ስለዚህ የሚኖራቸውን ጥያቄዎች ልንመልስ እንችላለን። ወደ ክርስቶስ ለመምጣት ስለሚያደርጉት ጥረት ፍቅራችንን እና ድጋፋችንን ልናሳያቸው እንችላለን።

እምነታቸው ላይ ጨምሩ

የሌሎችን እምነት ከፍ አድርገን እንመለከታለን እንዲሁም እናከብራለን፣ እናም እነሱ አስቀድሞ ባላቸው እምነት ላይ ለመጨመር እንሞክራለን። ለምሳሌ፣ ከመጽሃፍ ቅዱስ ክፍሎች ውስጥ መጽናናትን ያገኘ ጓደኛ ከመጽሃፈ ሞርሞን በምናካፍለው አስተምሮት መጽናናትን ሊያገኝ ይችል ይሆናል።

የቤተ-ክርስቲያን አባላትን እርዱ

ሰዎች ቤተ-ክርስቲያንን ሲቀላቀሉ፣ እምነታቸውን ማጠንከር እንችላለን። ጓደኛቸው መሆን፣ ጥያቄዎቻቸውን መመለስ እና ጥሪዎችን ሲቀበሉ ልንደግፋቸው እንችላለን። ኢየሱስ ክርስቶስን መከተላቸውን እና ስለ ወንጌሉ መማራቸውን እንዲቀጥሉ መደገፍ እንችላለን።

የሙሉ ጊዜ ሚስዮናዊ በመሆን አገልግሉ

ወንጌልን በእለት ተእለት ህይወታችን ውስጥ ከማካፈል በተጨማሪ፣ የቤተ-ክርስቲያን አባላት እንደ ሙሉ ጊዜ አገልጋዮች ሆነው ለማገልገል ሊጠሩ ይችላሉ። የተዘጋጁ ከሆነ፣ ወጣት ወንዶች ከ18 አመት ጀምሮ ማገልገል ይችላሉ። ወጣት ሴቶች እና እድሜያቸው ከፍ ያሉ ሴቶችም ሊያገለግሉ ይችላሉ። ተጨማሪ መረጃ በ ChurchofJesusChrist.org/callings/missionary ልታገኙ ትችላላችሁ።

የበይነ መረብ መገልገያዎች

“መጽሃፈ ሞርሞንን ለጓደኛ እንዴት ማካፈል እችላለሁ?” ጓደኛዬን ከሚስዮናዊያን ጋር እንዴት ማገናኘት እችላለሁ? እነዚህ እና ሌሎች ጥያቄዎች በChurchofJesusChrist.org/share ውስጥ ተመልሰዋል።

የወንጌል ቤተ-መጻህፍት መተግበሪያ (በ ChurchofJesusChrist.org ወይም የሞባይል መተግበሪያን በመጠቀም) መሰረታዊ እምነቶቻችንን ጨምሮ የመገልገያዎች ስብስብም አለው። ምን እና እንዴት ስለማካፈል ይበልጥ ለመማር “Sharing the Gospel [ወንጌልን ማካፈል]” የሚለውን ምረጡ።

አዲስ አባላትን ስለማጠናከር ይበልጥ ለመማር ፣ በወንጌል ቤተ-መጽሃፍት መተግበሪያ ላይ “መመሪያ መጽሃፍቶች እና ጥሪዎች” ስር “የአጥቢያ ወይም የቅርንጫፍ ጥሪዎች” የሚለውን ተመልከቱ።