Milwol ni Ngan Thapeg ko biney e Pul, nifan e Liahona July 2023

Share Nag e Gospel ko Yesus Kristus

Napan gadad be lemnag marnga’agen fapi tawa’ath gadad ma thapeged bachane kad manged e chongin ko Fare Galasia Rok’ Yesus Kristus ni fan e Gidiii’ Rok’ ko Tin Tomur e Rra, gadad ba’adag ni ngad pii’ e gospel ngak e gidii’ gadad ba t’uf. Rayog ni ngad pii’ e mich rodad nifan e pi’nen nib riyul’ ufithik e pi thin nge ngongol rodad. Rayog ni ngad meybil nifan e thogthog marunga’agen mini’ gara pii’ nge pi’nen ni ra yoeg. nanged

Ba’adag reb e Bee’

T’ufi reb e bee’ ir e yang nib ga’fan ko fare gospel. Napan gadad ba dag e t’uf rodad nigak reb e bee’ ufithik e ngongol ni woed rogon e Krustus, ireray gadad ra share nag e gospel rok’ Kristus—boch ngiyal’ dab mu yoeged e pi’nen. Nge napan reb e bee’ ni be nanged e t’uf rodad nifan ngorad, sana yad ra ba’adag ni ngad mmotoyil’ marnga’agen fare gospel. (Muguy ko Gary E. Stevenson, “Love, Share, Invite,” Liahona, May 2022, 84–87.)

Share nag ulan e Rogon nib Fel’ nge De Balyang’

Rayog ni ngad share nag e pi’nen gadad ba’adag marnga’agen fare gospel. Napan gadad ra rrin’ed biney gubin e rran ulan e yafos rodad, de mang nib balyang’. Susun ney, rayog ni ngad sabathin gad ngak e tabinaw nge pi fagar marnga’agen e pi’nen nike buch u Madnam. Fa gadad ra weliy marnga’agen e falfalaen’ ni ngad thameyed napan gadad be pigpig ngak reb e bee’. (Muguy ko Dieter F. Uchtdorf, “Missionary Work: Sharing What Is in Your Heart,” Liahona, May 2019, 15–18.)

Pinning Reb e Gidii’ ni ra Un Ngodad

Rayog ni ngad pinning rad ni ngar fil’ed boch marnga’agen e gospel. Susun ney, rayog ni ngad pinning rad ni ngar un’ed e mu’ulung ko Galasia fa gosgos, Bi’eg fare Babyor ku Mormon, guy e kaacheedo rok fare Galasia, fa mada’ nag e pi missionary. Tiney ma ayuweg e bee’ ni me thamey fare Kan Thothup nge ba’adag ni ngar fil’ed boch reb.

Fith marnga’agen e Pi’nen ni ke Buch Ngak

Tomuren e pi fagar nge chongin ko tabinaw ni ra yib nga Galasia fa thapeged e milwol rok fapi missionary, rayog ni ngad fith ngak marnga’agen e pi’nen ni ke buch ngak. Boech e pi kengin ko fare gospel ir beqech, ere rayog gadad ra fulweg e pi duwer roraed. Gadad ra dag e t’uf nge ayuweg rodad nifan e ngongol roraed ni ngar yib ngak Kristus

Puthuy e Mich Rorad

Gadad ba’adag nge liyor e mich nib thil ngak e bee’, arfan gadad ra guyed rogon ni ngad puthuy ngak e mich Susun ney, fagear rodad nike piryeg e gapas ulan fare Bible sana rayog ni nge piryeged a gapas ulan e machib ulan fare Babyor ku Mormon.

Ayuweg e Chongin ko Galasia nib Bi’ech

Napan e gidii’ ni ra un’ed efare Galasia, rayog ni ngad gelnag e mich rorad. Rayog ni ngad manged e fagar rorad, fulweg e pi duwer rorad, nge ayuweg rad napan yad ra thapeged pi calling. Rayog ni ngad pi athamgil ngorad ni ngar ululiyed e leaked Yesus Kristus nge fil marnga’agen e gospel Rok’.

Rrin’ e Mission

Woed ni ngad share nag fare gospel gubin e rran u yafos rodad, pi chongin ko Galasia rayog ni ngar thapeged e pigpig ko mission. Fa’an ni kar t’aer midlen, pumo’on nib fel’ yangren rayog ni ngar pigpig nag napan 18 e duw rorad. Bpin nib fel’ yangren nge gidii’ nib pilibthir rayog ni ngar pigpig nag. Rayog ni ngam piryeg boch reb e ganop u ChurchofJesusChrist.org/callings/missionary.

U lan fapi Chep nib Thothup

Yesus Kristus ke motochiyl nag fapi galchelpen Rok ni ngar share nag fare gospel ngak gubin bee’ (musap ko Mark 16:15).

Pi’in ni be thapeged e pinning ni ngar pigpig nag thingari rrin’ u polo’ i gum’ircha’raed, lemniged, tafnaey raed nge gelingraed” (musap ko Doctrine and Covenants 4).

Gadad ra thapeged e falfalaen nib ga’ napan bay ki fek e gidii’ ngak fare gospel (musap ko Doctrine and Covenants 18:15–16).

Pi Ayuw U Online

“Urogon ni nggu share nag fare Babyor ku Mormon ngak e fagar rog?” “Urogon ni nggu ayuweg e fagar rog ni nge mada’ e pi misionary?” Tiney nge reb e pi duwer ni ra fulweg u ChurchofJesusChrist.org/share.

Fare Gospel Library (u ChurchofJesusChrist.org faa bay e app ko mobile) bay boch e pin’en ko ayuw, ni tay bu’un e mich rodad nib moem. Meel‘eeg “Share nag fare Gospel” ni ngam fil boech marnga’agen e pi’nen nge urogon ni ngam share nag.

Fa’an gara fil boech marnga’agen e gelnag fapi chongin nib bi’ech, musap ulan fare Gospel Library u “Handbook nge pi Calling” nge tomuren “Ward fa Branch Callings.”

Ngam Pir Eg Boch Marnga Gen

Fa’an ni bay e duwer marnga’agen e share nag fare gospel, rayog ni ngam non ngak e pi ministering brother fa sister, tiyugang ko ward fa branch, fa fapi missionary.

© 2023 ko Intellectual Reserve, Inc. All rights reserved. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyegthin ko Monthly Liahona Message, July 2023. Language. 19045 905