“Fisu Ranin Aporousa,” Ren ewe Pochokunen Serafo, July 2023.
Porous Ren ewe Pochokunen Serafo Iteiten Maram, July 2023
Fisu Ranin Aporousa
En mi tongeni aporausa ewe kapas allim non napanap mi mecheres me och. En mi monneta?
Nupwen sia foos usun aporausa ach kapasen pwarata, napengni sia ekieki usun ach uta non mwichen sakrament ika pwan ekkoch mwich me apasata ach kapasen pwarata. Nge sia fen etiwa pwe sipwe “kutta fansoun ne pwarata ach nuku non napanap mi mecheres me weweoch.”1
Non ewe fofforun fan fisu ran mi tapweno ei, en mi tongeni aporousa om kapasen pwarata non sokkofesin napanap iteitan ran non eu wiik. En mi tongeni fori ekkei mettoch ese nifinifin tettenin, ika en mi fen tongeni pwan awora pwisin ekkoch om ekiek!. En mi monneta?
Sasing me ren Emily Davis
Ran 1: Mwichefen
Meni kopwe apasata om kapasen pwarata non eu mwichen echikipin non fan ika ka mefi en mi tongeni. Ika kese mefi en mi tongeni, en mi pwan tongeni aporousa om kapasen pwarata non fan ren om fiti me fooseta non ekkewe klas non Ranifel me seminary. Met ka apasa non ekkei mwich mi tongeni apechekuna me anisi pwan ekkoch ren ar kapasen pwarata me pwisin om.
Ran 2: Chiechi
Met ka kaeo non fan non Raninfel? En mi sani met emon a apasa non ar afanafan non mwichen sakrament ika non ewe foos fengenin sukun? Meni ewe konun nepoputan en mi fokkun sani. Ereni emon chienom usun! Me eis usun pwan ar raninfel.
Ran 3: Social Media
Social Media a eu amwararen napanapen aporousa mettochun ngun ren mecheres me och. Ren ei ran, me kopwe makkei eu post usun:
-
Eu me nein om kewe wokisin en fokkun sani.
-
Ekkoch kapas seni mwichenapen mwichefen mi apechekunok.
-
Eu om ekiekin ika fofforun ngun.
-
Eu mettoch en mi tongeni ika kinisou ren ewe Chon Amanau.
-
Eu napanap I a fen anisuk ika eu napanapen Kraist en mi mochen angei pwisin me pwata.
Ran 4: Text ika Kachito
Tinano eu porous mi apechekun ngeni emon chienom ren text ika kachito. En mi tongeni tinano eu afanafanen mwichenapen mwichefen en mi sani, aporausa ngenir usun pwata ka sanir, ika aporousa usun om nuku non Jises Kraist. Ren awewe, meni epwe anisir ne kaeo usun an Semach won Nang tong fan iter. En mi tongeni erenir pwisin pwan!
Ran 5: Angang
Meni kepwe ekieki ifa usun angang ngeni ekkoch mi tongeni eu napanapen aporousa om kapasen pwarata. Ewe Aposen Paul a ereni Timothy, “Kepwe eu nenien appirun ekkewe chon nuku, non kapas, non foos fengen, non tong unusoch, non ngun, non nuku, non nimenimoch” (1 Timothy 4:12). Iwe en mi tongeni pwarano om nuku me ren om nenien appiru, ren om angang fan iten ekkoch usun ewe Chon Amanau epwe angang ngenir.
Ran 6: Chunga
Fan ekkoch aramas ra aea chunga ne aporousa ar kewe ekieki ika memmef. En mi tongeni aea chungun paint, nios, kapas, kon ika pwan ekkoch mettochen chunga ne aporousa ifa usun ka mefi usun Jises Kraist me An kapas allim.
Ran 7: Foos Fengen mi Mecheres
Kesap nioukus ne kapas usun om nuku non fansoun nuku fan, usun chok kepwe apasa om ekieki usun pwan ekkoch mettoch usun ese nifinifein itenapen.
En mi tongneni foos usun fofforun ewe Mwichefen ika eu wokisin en karen anneani, nge mi pwan tufich esap fiti tichikin fan chok. Ren awewe:
-
Ika ka mefi pwapwa ren met ka kuna won fonufan, apasata om kinisou ngeni Kot ren fofforun meinisin ngeni pwan emon.
-
Meni a wor om pwisin memmef won pekin ngun en mi tongeni aporousa. Ereni emon chienom usun ika esap pwisn mettochun monomon.
-
Kutta awewen kapas allim non eu puk ika kachito en mi sani, me aporousa met ka kaeo.
Mecheres me Och
Ren om kutta pwan ekkoch napanap ne aporousa om nuku, epwe amecheres ekis me ekis ngonuk ne fori. Meni epwe weires akkom, nge mi och! Chechemeni, om kapasen pwarata a fen mecheres ngonuk—a eu kinikinin en pwisin. Aporousa ei kapasen pwarata mi tongeni epwe mecheres pwan. A chok namwot kepwe apwarata pwan ekkis iteitan ran.
Ifa usun kepwe pwarata om kapasen pwarata ikenai?
© 2023 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Kapungunon Porous ren Ren ewe Pochokunen Serafo Iteiten Maram, July 2023. Language. 19045 901