Porousen Liahona Iteiten Maram, July 2023

Afanafana ewe Kapas Allimen Jises Kraist

emon fopun a kamach eu pukefel mi sukuno won pechen

Nupwen sia ekieki usun ekkewe feioch sia angei pokiten kich chon Ewe Mwichefenin Jises Kraist ren Aramas mi Pin non Fansoun Soponon, sia mochen afanafana ewe kapas allim ngeni ekkewe sia tongei. Sia tongeni pwarata ach kewe kapasen pwarata usun me mi ennet me ren ach kewe kapas me ach foffor. Sia tongeni iotek pwe sipwe sinei io sipwe tongeni foos ngeni me met sipwe apasa.

Jises a wau poun ngeni emon mwan mi apwangapwang

Tongei Pwan Ekkoch

Eu auchean kinikinin ach afanafana ewe kapas allim pwe sipwe tongei pwan ekkoch. Nupwen sia pwari ach tong ngeni pwan ekkoch me ren ach foffor usun Kraist, sia pwan afanafana an Jises Kraist kapas allim—fan ekkoch ese pwan fiti eu chok kapas. Me nupwen pwan ekkoch ir mi sinei pwe sia ennetin tonger, repwe mochen etiwakich me ausening ngeni ach ekiek usun ewe kapas allim. (Nengeni Gary E. Stevenson, “Love, Share, Invite,” Liahona, May 2022, 84–87.)

Afanafana non Napanap mi Mecheres me Etiwa

Sia tongeni aporausa met sia tongei usun ewe kapas allim. Atun sia fori ei non mwokutukutun manauch iteitan, esap weires ika sokkofesingaw. Ren awewe, sia tongeni foos fengen ach famini me chienach kewe usun met sia fori non Raninfel. Ika sia tongeni erenir usun ewe pwapwa sia mefi nupwen sia angang fan iten pwan ekkoch. (Nengeni Dieter F. Uchtdorf, “Missionary Work: Sharing What Is in Your Heart,” Liahona, May 2019, 15–18.)

Etiwa Pwan Ekkoch pwe Repwe Fitikich

Sia tongeni etiwa pwan ekkoch pwe repwe kaeo usun ewe kapas allim. Ren awewe, sia tongeni etiwer ne fiti eu mwichen Mwichefen ika foffor, anneani ewe Puken Mormon, katon eu kachiton ewe Mwichefen, ika chufengen ren ekkewe misineri. Ekkei mettoch mi tongeni anisir ne mefi ewe Ngun me mochen ar repwe sopweno ne kaeo.

ruemon fefin mi chinnap ra mwomwot me foos fengen

Eis usun Met Ra Mefi

Mwirin ach famini me chienach ra fiti fan ika chufengen ren ekkewe misineri, sia tongeni eisinir usun met ra mefi. Ekkoch kinikinin ewe kapas allim meni epwe sokkofesin ngenir, me kich mi tongeni ponueni ar kewe kapas eis. Sia tongeni pwarano ach tong me aninis usun ar achocho ne feito ngeni Kraist.

Awatteno Ar Kewe Nuku

Sia aucheani me weweiti met pwan ekkoch ra nuku, me sia achocho ne awatteno ewe nuku ir mi fen nuku non. Ren awewe, emon chienach mi fen angei kinamwe seni ewe Paipen epwe pwan tongeni angei kinamwe non ekkewe afanafan sia aporausa seni ewe Puken Mormon.

ekkoch fopun mi anisi emon fefin mi chinnap ne fetan ngeni epekin ewe aan

Anisi Minafo Memper non ewe Mwichifen

Nupwen aramas ra fiti ewe Mwichifen, sia tongeni aninnis ren apechekunan ar nuku. Sia tongeni chiechi ngenir, ponueni ar kewe kapaseis, me anisir nupwen ra angei wiis non ewe mwichefen. Sia tongeni anisir ne sopweno ne tapweno mwirin Jises Kraist me kaeo usun An kapas allim.

ruemon misineri elters me emon mwan ra katon ewe fon fengen

Fori eu Mission Unus

Fiti ngeni ach afanafana ewe kapas allim non manauch iteitan, chon ewe Mwichefen mi tongeni repwe kokko ne angang ren eu misin mi unus. Ika ra monneta, anuon mi tongeni feinno nupwen ir mi 18 ier. Fopun me chon watte mi pwan tongeni angang. En mi tongeni kutta pwan ekkoch porous won ChurchofJesusChrist.org/callings/missionary.

Seni ekkewe Pukefel

Jises Kraist a annuku ngeni Noun kewe chon kuno ar repwe afanafana ewe kapas allim ngeni meinisin (nengeni Mark 16:15).

Ir ekkewe mi kokko ar repwe angang ren unusen netiper, ar tufich, ekiekir me pechekuner (nengeni Doctrine and Covenants 4).

Epwe wor watten ach pwapwa nupwen sia anisi pwan emon epwe etiwa ewe kapas allim (nengeni Doctrine and Covenants 18:15–16).

Aninnis won Kampiuter

“Ifa usun ngang mi tongeni aporousa ewe Puken Mormon ngeni emon chienei?” “Ifa usun ngang mi tongeni anisi chienei ne chufengen me ekkewe misineri?” Ekkei me pwan ekkoch kapas eis mi penu won ChurchofJesusChrist.org/share.

Ewe Nenien Pukefel (won ChurchofJesusChrist.org ika ewe app won fon) mi awora ekkoch pisekin aninnis pwan, fiti ach nukunapen nuku. Fini “Sharing the Gospel” ne kaeo usun met me ifa usun en mi tongeni aporausa.

Ne kaeo pwan ekkoch ifa usun kepwe apechekuna minafon memper, nengeni ewe Nenien Pukefel kinikin itan “Handbooks and Callings” me pwan “Ward or Branch Callings.”

Kutta Pwan Ekkoch

Ika a wor omw kewe kapas eis usun afanafanan ewe kapas allim, en mi tongeni foos ngeni noum kewe chon iamwir ngonuk, chon emwenin omw we wart ika branch, ika ekkewe misineri.

© 2023 by Intellectual Reserve, Inc. All rights reserved. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly Liahona Message, July 2023. Language. 19045 901