Akacsruhi ke Lwen Itkohsr

Sel Sandra Edwards

Mackuhsin luhn Alu uh

Kom kuh in akacsruhi ke wosasuc ke ohiyac wo ac fal. Kom kuh in wi oruh ma upac inge?

Ke kuht sramsramkihn akacsruhi ke luhlahlfongi kuh lasr uh, kuht kwacna nuhnkuh ke fahkwack luhlahlfongi lasr ke kuhfa luhn Leum kuh kuhtuh pac ohiyac wo sahyac. Tuhsruhk ahkkweyeyuck kuht in suk pacl wo in sramsramkihn luhlahlfogi lowos an ke ohiyac wo ac fal.¹

Ke srihke upac se ke lwen itkohsr ten inge, kom kuh in akacsruhi ke luhlahlfogi kuh lom an ke kain in ohiyac ke lwen nuhkwewa ke wik se. Kom kuh in oruh ma inge ke oacna sie tahkihnyac, kuh kom kuh in motkweack ke nuhnak lom sifacna. Kom kuh in oruh ma upac inge?

Lwen 1: Alu

Motko in fahkwack luhlahlfongi kuh lom ke miting in lalo ac fahkwack luhlahlfongi ke alu ah fin wo na sum in oruh. Fin tiac, kuht kuh pac in akacsruhi ke fahkwack luhlahfongi lom ke alu ah ke kom wi akacsruhi ke kuhlahs lom ke Sacnri ac ke seminary. Kahs kom akacsruhi kac ke acn ingacn kuh in ahkmuhlahlahye mwet sahyac ac ahkfokokoye luhlahlfogi kuh lalos ac oacyacpac lom an.

Lwen 2: Kawuck

Meac kom lotwelah ke alu ah ke Sacnri ah? Oasr sramsram kom luhngse ma mwet se akacsruhi kac ke toeni ke kuhfa luhn Leum kuh ke sramsram ke kuhlahs lom ah? Sahp on in ikacslah sac pa sie sin on in alu kom luhngse emet. Fahk nuh sin sie kawuck ah kac! Na siyuck lah fuhkah weekend lalos an pac.

Lwen 3: Social Media

Social media pa sie acn wo in akacsruhi ke ma nguhnnguhn ke ohiyac wo ac fal. Ke lwen se inge ke srihke upac se, motko in akacsruhi ke sie post ke:

Sie sin fuhs kom luhngse emet ke ma suhmuhslah.
Sie pohloh kahs in ahkkweye ke toeni luhlahp.
Sie nuhnak kuh ma puhlakihnyuck ke ma nguhnnguhn.
Sie ma kom luhngse kuh suhnakihn kacl Mwet Lahngo.
Sie inkacnek ma El kahsre kom kuh sie ma wo kom fwefwelac kac Kacl ac lah efuh.

Lwen 4: Text kuh Video

Suhpwaclah sie pweng in ahkkweye an nuh sin sie kawuck ah ke text kuh video. Kom kuh in akacsruhi ke sie sramsram ke toeni [luhlahp] ma kom nuhnkuh muh sahp elos e luhngse, fahk nuh selos ke sie ma ma kom luhngse kaclos, kuh akacsruhi ke luhlahlfongi lom ke Jisus Kraist. Kain nuh ke, sahp elos eneneuh in etuh ke luhngse luhn Pahpah Lucng nuh selos. Kom kuh in oruh in kom na fahk nuh selos!

Lwen 5: Kuhlwacnsap

Sahp kom motko lah kuhlwacnsapuh fuhkah mwet sahyac kuh in pa sie inkacnek in akacsruhi ke luhlahlfongi lom. Mwet Sap Paul el fahk nuh sel Timothy, “Kom in mwe srikasrak nu selos su lulalfongi, in kas, in ouiyen moul, in lungse, in lulalfongi ac in moul nasnas” (Sie Timothy 4:12). Kom kuh in ahkkahlwemye luhlahlfongi lom ke mwe srihkasrak lom, ke kuhlwacnsapuh mwet sahyac oacna ke Mwet Lahngo El kuhlwacnsapaclos.

Lwen 6: Art

Kuhtuh pacl uh mwet uh orekmakihn art oa siepacna inkacnek in akacsruhi ke nuhnak lalos ac ma elos puhlakihn. Kom kuh in orekmakihn sral, ma taflweyucklac, poem, on, kuh kuhtwena kain in art in akacsruhi lah meac kom puhlakihn kacl Jisus Kraist ac wosasuc Lal.

Lwen 7: Sramsram Srihsrihk

Nimet sahngweng in fahk luhlahlfongi lom ke sramsram srihsrihk, oacna ke kom akacsruhi ke kuhtwena nuhnak lom ke oacna sie sifac.

Kom kuh, ahok, in sramsram ke mukwikwi ke Alu uh kuh ke sie ma suhmuhslah ma kom tuhfahna in riti, tuhsruhk kuh pac in tiac arlac mahngol. Pa nuh ke:

Kom fin mokleyuck ke ohiyac ma fin facluh, ahkkahlwemye engan lom ke ma God El oraclah ingacn nuh sin siepacna mwet.
Sahp oasr ma wowo sikyak nuh sum ke pacl puh somlah. Fahk nuh sin sie kawuck ah kac fin ma sacn lukmwelaclac.
Suk mwe akuhtweyac ke puk kuh movie ma kom luhngse, ac akacsruhi ke nuhnak lom an.

Fal ac Wo

Ke kom konwacack kain in inkacnek in akacsruhi ke luhlahlaongi lom an, e fah fihsracsruh liki na met ah kom in oruh. Sahp [kom] e puhlakihn mwekihn e met, tuhsruhk wo na! Esam, fahkwack luhlahlfongi lom an pa sie ohiyac wo tari nuh sum—pa sie ip keim lah suc kom uh. Akacsruhi uh kuh in eklac fwellah pac. Ma enenweyuck an pa in ahkkahlwemye kais kuhtuh srihk ke kais sie lwen.

Kom e akacsruhi fuhkah ke luhlahlfongi kuh lom an misenge?

© 2023 sin Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lwenglah luhn Pweng Nuh ke Kuh luhn Mwet Fuhsr ke Kais Sie Mahlwem, Julahe 2023. Language. 19045 000