“Ginpakita sa Aton ni Jesus ang Dalan,” Abyan, Agosto 2023, 4–5.
Bulanan nga Mensahe sa Abyan, Agosto 2023
Ginpakita ni Jesus sa Aton ang Dalan
Mga drowing ni Dan Burr
Si Jesucristo Anak sang Amay nga Langitnon. Nagkadto Sia sa kalibutan agud ipakita sa aton kon paano kita makabalik sa Amay nga Langitnon pila ka adlaw. Ginbunyagan si Jesus. Gintudloan Niya kita nga dapat man kita bunyagan.
Ginpakita ni Jesus sa aton kon paano magpangabuhi. Palangga kag ginbuligan Niya ang tanan. Gusto Niya nga sundon naton Sia.
Nabatyagan ni Jesus ang tanan naton nga kasakit kag nag-antos para sa aton mga sala. Dayon napatay Sia para sa aton. Ginatawag ini nga Pagbayad-Sala ni Jesucristo. Nabanhaw Sia. Nagakahulugan ini nga buhi Sia karon! Bangud kay Jesucristo, kita man mabuhi liwat pagkatapos nga mapatay kita.
Ginhimo ini tanan ni Jesus para sa aton tungod palangga Niya kita. Tungod sa Iya, mahimo kita magpuyo upod sa aton Amay nga Langitnon kag sa aton mga pamilya pila ka adlaw.
Sarang naton sundon si Jesucristo paagi sa pagpabunyag. Sarang man Sia naton sundon adlaw-adlaw kon ginapalangga naton kag ginabuligan ang iban nga tumanon ang Iya mga kasugoan.
© 2023 by Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, August 2023. Language. 19046 861