“Jisus El Ahkkahlwemye Nuh sesr Inkacnek uh,” Kawuhk, Ohkohs 2023, 4–5.
Mahlwem nuhkwewa Kawuck Sramsram, Ohkohs 2023
Jisus Ahkkahlwemye Nuh sesr Inkacnek uh.
Sroal sel Dan Burr
Jisus Kraist El Wen Nuhtin Pahpah Inkuhsrao. El tuhkuh nuh facluh in ahkkahlwemye nuh sesr inkacnek kuht in fohlohk nuh Pahpah Inkuhsrao sie lwen fahsruh. Jisus El pacptaislac. El luti tuh kuht enenuh in pacptaislac pac.
Jisus El luti kuht ohiyacn moul. El luhngse ac kahsruh mwet nuhkwewa. El kena tuh kuht in fahsr tohkohl.
Jisus El puhla ngal lasr ac kweok ke ma koluk lasr. Na El misac kacsr. Pa inge pahngpahng Iwaclah luhn Jisus Kraist. El sifil moulyak. Ke srihpen ma inge El moul misenge! Ke srihpen Jisus Kraist, kuht ac sifil moulyak tukun kuht misac.
Jisus El oruh ma inge nuhkwewa ke srihpen El luhngse kuht. Ke srihpacl, kuht kuh in moul yurun Pahpah tuhmasr Inkuhsrao ac sucu lasr ke sie lwen fahsruh.
Kuht kuh in fahsr tukun Jisus ke kuht pacptaislac. Kuht kuh in oyacacpac fahsr tohkohl lwen nuhkwewa ke kuht luhngse ac kahsruh mwet sahyac ac karihngihn masap Lal.
© 2023 sel Intellectual Reserve, Inc. Suwohs nuhkwewa fihliyucki. Printiyucki fin acn USA. Ahkkweyeyucklac nuh ke English: 6/19. Ahkkweyeyucklac ke lweng: 6/19. Lungasyucklac luhn Monthly Friend Message, August 2023. Language. 19046 868