Kuh in Sifacna uh Ahkkweye Kuht

Kuh in sifacna uh kahlwem tuh kuht kuh in karihngihn mwe enenuh lasr sifacna ac luhn sucu lasr. Ke kuht kuh in sifacna, kuht ahkwoye in kuhlwacnsap Leum ac karihngihn mwet sahyac. Tuh kuh in sifacna uh tiac kalmac tuh kuht enenuh in sun ma pac ke mwet sefanna. Kuht kuh in suk kahsruh sin kawuck, sucu, mempucr ke ward kuh branch, ac mwet suhmaht fin kuht enenuh.

Ip Yohk luhn Kuh in Sifacna

Eklac in kuh in sifacna enenuh kuht in lutlut, ahkostwen, ac orekma upac. Kuh oruh wo emet lasr in karihngihn kuh sifacna, ac kuht kuh in siyuck mwet sahyac ke kahsruh fin enenweyuck. In eis kuh in sifacna pwacye, tuhsruhk, kuht enenuh in lutlut ac luhlahlfongi Jisus Kraist. Na ke kuh orekma in kahsruh kuht sifacna, El ac ahkkweye kuht.

Kuh in Sifacna luhn Nguhn

Kuht kuh in ahkyohkye kuh in sifacna luhn nguhn lasr ke kuht orekma in ahkfokokoye luhlahlfongi lasr kacl Jisus Kraist. Kuh oruh ma inge ke kuht pruhe, lutlut ma suhmuhslah, ahkos masap, ac oruh ma sahyac ma uskuht fototo nuh sin Kraist. In etuh tuh El kena in kahsruh kuht ac use nuh sesr in luhlahlfongi in fokoko finne upac moul lasr.

Kuh in Sifacna Suhkawihl

Kuh in sifacna suhkawihl pa kuh in karihngihn enenuh luhn facluh lasr sifacna ac sucu lasr. Ma inge weacng mongo, lohm, kuh in mahno, ac mwe enenuh sahyac. Kuht oruh ma inge ke kuh eis lutlut wo, eis etwacack ac kapwack ke suhmaht lasr, orekma upac, eis pacl lasr ke ma wo, ac karihngihn mani lasr.

Kuh in Sifacna luhn Nuhnak

Kuh in sifacna luhn nuhnak pa kuh in kuhtanglah ma upac kuh puhla ke puhlaik ac luhlahlfongi. Kuht nuhkwewa sun ma upac ac ma kosrwaclah. Ke srihpen wosasuc uh, kuht etuh kuht kuh in sulaclah top lasr nuh ke ma upac inge. Top ke luhlahlfongi ke Leum ahkyohkye kuh lasr in sun ma upac sahyac ke finsrak.

Lutlut

Kuht enenuh in lutlut pacl nuhkwewa. God El kena kuht in luti nuhnak lasr ac ahkwoye kuht ke moul se inge ac moul fahsruh. Yohk kuht etwaclah, nga yohk kuht kuh in mokle nuh ke ma wo ac karihngihn kuht sifacna, sucu lasr, ac mwet suc enenuh.

Mwe Insewowo Ma Tuhkuh ke Kuh in Sifacna

Mwet pahluh tuh luti kuht lah ke kuh ahkwoye kuh in sifacna lasr, kuht ac ahkinsewowoyeyucklac ke finsrak ac mislac. Kuh kuh in kahsruh sucu lasr ac elos suc enenuh. Ac kuht ac ahkinsewowoyeyuck ke ma wo pucs ac ke kuh in kapkapwack.

Mwe Kahsruh luhn Alu uh

Sahp stek lohm oruh u in lutlut ke kuh in sifacna. U se inge kuh in luti kom ip ke kuh in sifacna ac mwe kahsruh in karihngihn mani lom kuh konwacwack orekma wo. Kom kuh in konwacack mwe kahsruh ke ma inge ke Gospel Library. Selectiyac “Books and Lessons” ac na “Self-Reliance.”

© 2023 sel Intellectual Reserve, Inc. All rights reserved. Printiyucki fin acn USA. Ahkkweyeyucklac nuh ke English: 6/19. Ahkkweyeyucklac ke lweng: 6/19. Luhngasyucklac luhn Monthly Liahona Message, August 2023. Language. 19046 868