Porous ren Liahona Iteiten maram, Akos 2023

Anongonong won Pusin winikapom mi Apochokuna Kich

ruwomon aramas ra teten sepi

Wewen ei onongonong won pusin winikapom nge ach tongeni tumunu kich me ach famini. Nupwen sia anongonong won pusin winikapach, sia pwan tongeni angang ngeni ewe Samon me tunumu ekkoch. Nge onongonong won pusin winikapom esap wewen nge sipwe pusin atawei en me an osukosuk. Sia tongeni tingor aninis meren chiechiach, ach famini, wart ika memper non branch, me ekkewe mi nipwakoch nupwen sia aucheani ar aninis.

Nongonongen Onongonong won Pusin Winikapom

Onongonong won pusin winikapom epwe wor an sukun, anneasosich, me angang weires. Sipwe achocho ngeni ne pusin tumunu kich, me sipwe pwan tingor aninis seni ekoch ika mi namot. Ika emon epwe wesewesen tongeni onongonong won pusin winikapan, epwepwan wor an nukunuk non Jises Kraist. Iwe nupwen sia angang ne pusin anisi kich, I epwe apochokuna kich.

ruofoch pau mi numufengen

Onongonong won pusin winkapom non pekin Ngun

Sia tongeni anapano ach onongonong won pusin winikapach non pekin ngun ren an angangen apochokuna ach kapasen pwarata usun Jises Kraist. Sia fori ei non iotek, kaeo pukefel, fiti fan, oponuweta ekkewe annuk, me fori ekewe metoch mine sia arapakan ngeni Kraist ren. Sia sinei pwun I a mochen anisi kich a ngeni kich nuku ne pochokun ina mwo ika manau mi weires.

Onongonong won Pusin Winikapom non pekin Futuk

Onongonong won pusin winikapom non pekin futuk mi pachonong ach tongeni pusin tumunu kich me ach kewe famini. Mi pachonong mwongo, imw, tumunun manawach, me ekoch pwan mi namot. Sia fori ei ren ach sukun, kaeo ika anapano kaeo mi namot, angang , me tumwunu ach fansoun, me nouch moni.

Unumon fefin ra kan fetan fengen

Onongonong won Pusin Winikapom ren Memef

Onongonong won pusin winkapom ren pekin memef iei ach tongeni sipwe kaeo seni ach osukosuk me pwaracho non ach nukunuk. Kich meinisin mi wor ach sosot me tanech. Kinisou ngeni ewe kapas allim, sia sinei ifa usun ach sipwe ponuweni ekkei sosot. Ponuweni non nukunuk non ewe Samon mi anapano ach tongeni me pochokun non fansoun weires ren pwan epinukunuk.

Pekin kaeo

Sipwe sopwosopwono ne kaieo Kot a mochen sipwe kaieo me anapano ach sinenap non manawach tori manawach murin. Ika pwun a watte sineach iwe a pwan watte ach tongeni fori murino me awora fanitach, ach famini, me aramas mi osupwang.

Emon anuon mi nukei eu potou

Feiochun omw Onongonong won Pusin Winikapom

Ekewe soufos ra eiti kich ach sipwe anapano ach onongonong won pusin winikapach, sipwe fefeioch ren epinukunuk me kinamwe. Sipwe tongeni anisi ach kewe famini me ekewe aramas mi osupwang. Iwe sipwe pwan feioch ren ekoch anen feioch me tufichin sopopono non ach fefeita.

Aninis seni ewe Mweichefen

Omw ewe wart mi tongeni aninis ren mwichen onongonong won pusin winikapom. Ekei ra tongeni aituk ekewe nongonong onongonong won pusin winikapom me ekkewe pekin kaeo ren tumwunun moni ika kutten angang. Ka tongeni kuna ekkei sokkun aninis me non ewe Gospel Library. Fini ena “Books and Lessons” iwe ena “Self Reliance.”

Seni ekkewe Pukefel

Sipwe kutta ach sipwe kaeo non nukunuk (nengeni Doctrine and Covenants 88:118).

Ewe Samon a awora faniten Noun aramas, nge epwe fis non An otot (nengeni Doctrine and Covenants 104:15–16).

Kutta Pwan Ekkoch

En mi tongeni ekewe porous seni ekewe mwichenap non Mweichefen ren ekei wewe me ekoch pekin aninis me non Gospel Library (non ChurchofJesusChrist.org ika won ena mobile app). En mi pwan tongeni fos ngeni memper non wart ika branch ika ekkewe misineri.

© 2023 seni Intellectual Reserve, Inc. All rights reserved. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly Liahona Message, August 2023. Language. 19046 901