“Kutta Weweoch,” Ren ewe Pochokunen Serafo, August. 2023.
Porous Iteiten Maram Ren ewe Pochokunen Serafo, August 2023
Kutta Weweoch
Seni ew afanafan non April 2019 mwichenapen mwichefel.
Sassing seni Emily E. Jones
Ach popun nupwen sia kukkuta me weweiti ewe kapas allimen Jises Kraist ach sipwe anapano nuku non Kot me non An kokkotun pwapwa me pwan non Jises Kraist me An asoren achasefan me an epwe pwonuta amuchunon ekkesiwin. Ei naponon nukunuk me ekkesiwin epwe anisi kich ach sipwe fori me oponuweta an Kot kewe annuk, epwe apochokuna ach mochen fiti Jises me siwinino non pekin ngun. Ei ekesiwin epwe wato napanapen pwapwa, uwaoch, me pochokunen manau me anisikich ach sipwe nom non ew manau ese much.
Ika sipwe fori ei, mi ouchea sipwe nomw non Jises Kraist ren wanong manauach non ekkewe pukefel, sipwe pwapwa non, me kaeo An pwon, me manaueni usun Manauan. Iwe ina otun sipwe tongeni sinei I, me esina Nouwan, sinei pwe ika sia feito ngeni I me nuku non I, sisap tongeni chiwen echik me kaka. (nengeni John 6:35).
Ei metoch ese fifis nge ese woe wewen. Ach awena netipach ngeni tekian ekewe aurourun nikinikin kot esap och mettoch mi mecheres; a namot pwe sipwe kokori Kot me kaeo ifa usun ach sipwe annomu ewe kapas allimen Jises Kraist nukanapen manauach.
Ua pwarata ngeni kemi pwe nupwen sia ennet,unusen, pochokun, me wenechar ne kutta ach sipwe wweiti ewe kapas allimen Jises Kraist me aiti fengeni kich ren ennetin popun me fan emwenien ewe Ngun, ekkei osukun repwe ekesiwini netip me amwasanga eu mochen an epwe manaueni ewe ennet an Kot.
© 2023 seni Intellectual Reserve, Inc. All rights reserved. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly For the Strength of Youth Message, August 2023. Language. 19046 901