Batla Kutloisiso

Ka Moholo Ulisses Soares

Oa Lekhotla la Baapostola ba Leshome le Metso e ´Meli

Ho tsoa ho seboka se akaretsang sa ´Mesa 2019.

Sepheo sa rona ha re batla kutloisiso ea evangeli ea Jesu Kreste se tlameha ho ba ho eketsa tumelo ho Molimo le ho morero oa Hae oa thabo le ho Jesu Kreste le topollo ea hae ´me le ho fihlela ts´okoloho ea nako e telele. Tumelo eo e eketsehileng le ts´okoloho li tla re thusa ho etsa le bo boloka lilekane le Molimo, ho matlafatsa takatso ea ho latela Morena Jesu le ho ba le phetoho ea ´nete ea semoea kahare ho rona. Phetoho ena e tla re tlisetsa thabo e kholo, le bophelo bo botle, le ho re thusa ho boloka monahano oa bosafeleng.

Ho fihlela sena, re hloka ho mamela Jesu Kreste ka ho ikenya mangolong a halalelang, rea thabele, re ithute thuto ea Hae ea tumelo le ho leka ho phela ka moo A phetseng. Ke ka hoo feela re ka Mo tsebang le ho elelloa lentsoe la Hae, re tseba hore ha re tla ho Eena ´me re lumela ho Eena re ke ke ra lapa kapa ho nyoroa (bona Johanne 6:35).

Seo ha se etsahale ka phoso. Ho Ikamahanya le ts´usumetso e holimo-limo ea bomolimo ha se ntho e bonolo, e hloka motho ea bitsang Molimo le ho ithuta ho tlisa evangeli ea Jesu Kreste kahare ho bophelo ba rona.

Ke paka ho lona hore ha re ka ikitlaetsa, ka lipelo tse tiileng, le ho batla ho utloisisa evangeli ea Jesu Kreste ka bots´epehi, ´me re e ruta ba bang ka sepheo sa ´nete le tlasa ts´usumetso ea Moea, lithuto tsena li ka fetola lipelo le ho susumetsa takatso ea ho phela ho ea ka ´nete ea Molimo.

© 2023 by Intellectual Reserve, Inc. All rights reserved. E hatisitsoe USA. Tumello ea Sekhooa: 6/19. Tumello ea Phetolelo: 6/19. Phetholelo ea Monthly For the Strength of Youth Message, June 2023. Language. 19046 739