Molaetsa wa Kgwedi le Kgwedi wa, Go Nonofo ya Banana Phatwe 2023

Senka go Tlhaloganya

Ka Mogolwane Ulisses Soares

Wa Khoramo ya Baaposetole ba ba Lesome le bobedi

Go tswa mo puisano ya April 2019 general conference address

Ditshwantsho ka Emily Jones

Boikaelelo jwa rona fa re ntse re senka go tlhaloganya efangele ya ga Jeso Keresete e tshwanetse go nna go oketsa tumelo mo Modimong le mo togamaanong ya Gagwe ya boitumelo le mo go Jeso Keresete le setlhabelo sa Gagwe sa tefelo le go fitlhelela tshokologo e e sa khutleng. Tumelo e e ntseng jalo e e oketsegileng le tshokologo di ka re thusa go dira le go tshegetsa dikgolagano le Modimo, jaana re thatafatsa keletso ya rona ya go sala Jeso Keresete morago le go tlisa phetogo ya nnete ya semowa mo go rona. Phetogo ena e tla re tlisetsa botshelo jo bo nang le boitumelo jo bo fetileng, le maduo, le jo bo itekanetseng le go re thusa go tshegetsa ponelopele ya bosakhutleng.

Go fitlhelela se, re tlhoka go nna mo go Jeso Keresete ka go inwetsa mo dikwalong tse di boitshepo, re di ipelela, re ithuta dithuto tsa Gagwe, mme re leka thata go tshela ka tsela e a neng a tshela ka yone. Ke gone fela re tlang go mo itse mme re lemoge lentswe ja Gagwe, re itse gore fa re tla kwa go Ene ebile re dumela mo go Ene, ga re kitla re tshwarwa ke tlala le fa e le go nyorwa (bona Johane 6:35).

Seo ga se diragale ka tshoganetso. Go itebaganya le tlhotlheletso e e kwa godimo ya poifomodimo ga se kgang e e motlhofo; go tlhokega go bitsa Modimo le go ithuta ka fa re ka tlisang efangele ya ga Jeso Keresete mo gare ga matshelo a rona.

Ke paka mo go lona gore fa ka nnete, ka boitumelo, ka tlhomamo, le ka tlhwaafalo re senka go tlhaloganya efangele ya ga Jeso Keresete ebile re rutana ka maikaelelo a nnete ka fa tlhase ga tlhotlheletso ya Mowa o o boitshepo, dithuto tse di ka fetola dipelo le go tlhotlheletsa keletso ya go tshela go yeng ka boammaruri jwa Modimo.

Tshokologo: Mokgwa wa go fetoga, go akaretsa phetogo e e diragalang fa o tla mo go Keresete le go amogela le go sala morago dithuto le ditaelo tsa Gagwe.

Go nwetsa: go tsaya karolo mo go tseneletseng mo tirong kgotsa mosebetsi. Go nwetsa gape go raya go tibisa mo seeleding, jaaka metsi. Fa re kolobediwa, re kolobediwa ka go nwetswa.

Go ikamanya: go nna le kamogelo kgotsa go lemoga sengwe.

Ka tlhwaafalo: go dira sengwe o tlhwaafetse ka maikaelelo a boammaaruri le a a tseneletseng .

© 2023 ka Intellectual Reserve, Inc. All rights reserved. Printed in USA. Tetla ya Sekgoa: 6/19. Tetla ya thanolo: 6/19. Thanolo ya Molaetsa Go Nonofo ya Banana wa Kgwedi le kgwedi, Phatwe 2023. Language. 19046 763