“Gayed e Nangfan,” Fan ko Gelngin e Pi’in ni Fal’yangren, Aug. 2023.
Mulwol Nifan e Fal’ Yangren ko, August 2023
Gayed e Nangfan
Pi yang ma yib ko milwol ko general conference u April 2019.
Sasing riy e yib rokʼ Emily Jones
Chagiy fan rodad ningad gayed e lowaen’ nge fil udakaen fare gospel ku Yesus Kristus ningad gelong e mich nge mich rodad u Got nge tanom Rok’ nib thothup ko fare kanawo’ ko falflaen’ nge Yesus Kristus nge maligach rok nib thilyeg. Fare mich nem ra ayuwegdaed ningad fi’leged ngad folgaed pi michmicheg ngak Got, gaa’nag e thilyeg rodad, nge gay fel’ laniyaen’daed ningad folgaed Yesus Kristus nge fal‘eg e thilyeg ko ya’el nib riyul’ ulanggin dad. Re thilyeg ney ra yoeg e falflaen’daed, gulbugwaendaed, ngad paered nib fel’rogon ma yoeg ningad sapgaed e tin manemus ban’en.
Fa’an ni ngad rrin’ed biney, thingarda pared u Yesus Kristus napan gadad ba lithaeged ni ngad be’eg fapi thin nib thothup, ba’adag binem, fil’ed e machib Rok’, nge guyed rogon ni ngad fasgad woed rogon nike fas. Kemus tomur biney e rayog ningad nanged Ngak nge Lam, ngad nanged napan gadad ra yib ngak nge michaen’raed ngak’, dabki balal’ (muguy ko John 6:35).
Biney dabi buch ni dariy’fan. Un’ed e tin ku tharmiy gathi moem. Irba t’uf e ningyal’ nge rayog rodad; ma irba t’uf e wenig ngak Got ko ayuw ngad filed urrogon ningad thapegd fare Gospel ku jesus Kristus ninge mang e dayif ko yafas rodad.
Gube pii’ e m’ag ngomed ni nap’an mu filed ufithik e yul’yul’, gumaen’, dam mitmith, ko fare gospel ku Yesus Krsitus udakaen e langaen’ nib yul’yul’ ko fare ayuw ku Ya’el, fapi mafil ney ra thilyeg e gum’racha’med ma gay laniyaen’med ningam paer ko tin riyul rok Got.
© 2023 ku Intellectual Reserve, Inc. All rights reserved. Kan yoloey u USA. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’yangren, August 2023. Language. 19046 905