Ɔfiɔŋ-ke-Ɔfiɔŋ Etop Liahona , Ɔfiɔŋ September 2023

Ndinwam Mbon emi edude ke Unana

Enye ama Ɔkɔk Ediwak Nsio-nsio Udɔŋɔ, otode J. Kirk Richards, owo idiwetke isio.

Nte mbon Ufɔk Abasi Jesus Christ Mme Ndisana Owo Ekpere Edem Usen, nnyin itiene ukpepŋkpɔ Abasi ke edinwam mbon emi edude ke unana. Nnyin inwam mbon efen ke edinam-ŋkpɔ nnɔ mmɔ, inwam mmɔ ekabare eda-ke-idem, enyuŋ ebuana ke se nnyin inyenede.

Uwutŋkpɔ eke Jesus Christ

Jesus Christ ama, ɔdɔŋesit, onyuŋ ɔbɔŋ-akam ɔnɔ mbon emi edude ekpere Enye. Enye “ekesisaŋa ke ebiet ke ebiet anam ufɔn ɔnɔ mme owo” (Acts 10:38 Nnyin imkeme editiene uwutŋkpɔ Esie ke edima, ndɔŋesit, nam-ŋkpɔ-nnɔ, nyuŋ mbɔŋ-akam nnɔ mbon emi edude ekpere nnyin. Kpukpru ini nnyin iyese iyom mme usuŋ ndinwam mbon efen.

Ndinɔ-unwam

Etiŋ Ikɔ oro ndinɔ-unwam ke mme ŋwed Abasi ye ke Ufɔk Abasi Christ man emen nte nnyin ikpinwamde kiet eken ewut. Enɔ mme enyene itie-oku ubiɔŋ nte ɔnɔ-unwam nditɔ-eka irenowo esɔk owo kiet-kiet mme ufɔkemana ke ward mme branch. Enɔ mme ɔnɔ-unwam nditɔ-eka iban esɔk ikpɔ iban kiet-kiet. Mme ɔnɔ-unwam nditɔ-eka irenowo ye iban ekut ete ke eti enyuŋ enwam ofuri mbon Ufɔk Abasi.

Ndinwam Mbon-efen Edikabare Nda-ke-idem

Nnyin imikeme edinwam mbon ufɔkemana ye mme ufan ekabare eda-ke-idem ke editeme mmɔ man eyom nti ibɔrɔ enɔ mme mfina mmɔ. Nnyin imikeme edinwam mmɔ ke nte mmɔ enamde-utom ke utit-uduak mmɔ. Eyom etop awak kabaŋa edida-ke-idem odude ke Liahona ɔfiɔŋ Itiaita Gospel Basic article.

Ndinam-ŋkpɔ nnɔ Efen

Odu ediwak usuŋ emi nnyin ikemeke edinam-ŋkpɔ-nnɔ mbon ekperede nnyin nyuŋ ŋwam mmɔ man eyɔ mme unana ikpɔkidem, eke ukpɔŋ, ye eke ekikere mmɔ. Ndikpep mbaŋa mbon efen ekeme edinwam nnyin idiɔŋɔ nte nnyin ikpinehede inam ŋkpɔ inɔ mmɔ. Nnyin nko imikeme edibɔŋ-akam nyom ndausuŋ man idiɔŋɔ se nnyin ikeme edi-nam man inwam.

Ndibuana Se Nnyin Inyene

Nnyin imikeme edinam-ŋkpɔ-nnɔ mbon efen ke edibuana se Abasi akadade ɔdiɔŋ nnyin. Nte uwutŋkpɔ, nnyin imikeme edinɔ nti enɔ utre-udia mme edinɔ okuk nsin ke Nkpɔ-unwam Ubon-owo eke Ufɔk Abasi. Nnyin imikeme nko edinam-ŋkpɔ ke obio nnyin ye ke mme ikoot eke Ufɔk Abai nnyin.

Mme Utom eke mme Adausuŋ Ufɔk Abasi

Bishop ese-enyin ke edisin unwam nnɔ mbon emi edude ke unana ke ward esie. Enye ekeme edimen mme enɔ utre-udia man anwam ke mme unana mbon ufɔk Abasi. Mme adausuŋ eken, esinede mme ɔnɔitem esie ye mbon presidency eke Relief Society ye mbon presidency elders quorum, enwam mbon ufɔk Abasi edikut mme ŋkpɔ-utom emi mmɔ edikamade man eda eyɔ mme unana mmɔ.

Utom-unwam eke Ufok Abasi emi Otukde-ufɔn ke Uwem-owo

Ufɔk Abasi enwam mme owo ke ofuri ererimbot ye ediyɔ ke iwiwa ŋkpɔ-ntibe, mme utom obio, ye mme edinam efen oruk nte edinɔ nsasana mmɔŋ ye mkpi-nsin. Ma ekpepe awak, se Dallin H. Oaks, “Helping the Poor and Distressed,” Liahona, Nov. 2022, 6–8.

Otode Ŋwed Abasi

“Abasi amam owo eke ɔnɔde ke inemesit” (2 Corinthians 9:7)

Nnyin ikpep nditɔ nnyin man enam-ŋkpɔ enɔ emi edude ke unana (se Mosiah 4:15–16).

Nnyin imidɔŋ mbon efen esit inyuŋ inwam mmɔ ke ndibiom mbiomo mmɔ (se Mosiah 18:8–9).

Mme Ikɔ eke Editi-de

Ikoot: akpan ubiɔŋ man ɔnɔ-unwam ke Ufɔk Abasi. Mme adausuŋ Ufɔk Abasi eyom ifiɔk-spirit man ediɔŋɔ owo emi Abasi oyomde ete mm ekot.

Mme Enɔ Utre-udia okuk emi nnyin inɔde Ufɔk Abasi kini nnyin itreke-udia, ekpedi ukem ke okuk emi nnyin ikibiatde ke udia kini utre-udia oro.

Edida-ke-idem: edinyene ukeme edinwam ke mme unana idem nnyin ye eke ufɔkemana nnyin.

Yom Ediwak Ŋkpɔ Efen

Edieke mbufo enyenede mbume kabaŋa edinwam mbon edude ke unana, afo emekeme nditiŋ nnɔ ɔnɔ-unwam eyen-eka eren mme anwan, mme adausuŋ eke ward mme eke branch, ye mme ɔkwɔrɔ-ikɔ Abasi mbufo. Afo emekeme nko edikut mme etetiŋ ikɔ eke akwa mbono eke ibuot ikɔ emi ye mme ŋkpɔ-utom efen ke Gospel Library (ke ChurchofJesusChrist.org mme ke mobile app).

©2023 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Liahona, Ɔyɔhɔ Ɔfiɔŋ Usukkiet 2023. Language. 19047 553