Mwe Fahkwack ke Liahona Mahlwem Nuhkwewa, Septempuh 2023

Karihngihn Elos suc Enenuh

Jisus onwelah mwet

El Onwelah Mwet Pucs ke Mas Puhkantwen, sel J. Kirk Richards, tiac lwelah in sulpac oreklac

Oacna mempucr ke Alu luhn Jisus Kraist luhn Mwet Luhlahlfongi ke Lwen-sahflah, kuht ukwe mwe luti luhn Leum in karihngihn elos suc enenuh. Kuht karihngihn mwet sahyac ke kuhlwacnsapelos, kahsrwelos kuh in sifacna, ac akacsruhi ma lasr.

Srihkasrak Lal Jisus Kraist

Jisus Kraist El luhngse, ahkkweye, ac pruhe nuh selos ma raunwel. El “forfor in acn nukewa ac oru ma wo” (Orekma 10:38). Kuht kuh in ukwe srihkasrak Lal in luhngse, ahkkweye, kuhlwacnsuhpuh, ac pruhe kaclos suc raunikuhtlac. Kuht kuh in kwacna suk inkacnek in kahsruh mwet sahyac.

mwet luo tuhkweni fahsr

Karihngihn

Kahs se karihngihn orekmakihnyuck ke ma suhmuhslah ac ke Alu luhn Leum in ahkuhtweyac ohiyac kuht karihngihn sie sin sie. Mukul suc sruok Pristut kuneyucki oacna tamuhlwel in karihngihn nuh sin kais sie mwet ac sucu ke ward kuh branch. Muhtwacn in karihngihn elos kuneyucki nuh sin kais sie muhtwacn mahtuh. Tamuhlwel ac tahmtahel in karihngihn liye tuh mempucr nuhkwewa luhn Alu uh esamyuck ac karihngihnyuck.

mwet yukwiyac fitac

Kahsruh Mwet Sahyac in Kuh in Sifacna

Kuht kuh in kahsruh mwet ke sucu lasr ac kawuck in kuh in sifacna ke kuht ahkkweyaclos in ahkwoye elyah lalos ke lusen pacl paht. Na kuht kuh in kahsreyaclos ke elos orekma nuh ke finsrak lalos. In lutiyuck yohk ke kuh in sifacna ke Gospel Basics article luhn Liahona ke Ohkohs 2023.

Kuhlwacnsuhpuh Mwet Sahyac

Oasr ohiyac puhkantwen ma kuht kuh in kuhlwacnsap elos suc raunikuhtlac ac karihngihn mwe enenuh mahno, nguhn, ac nuhnak lalos. In etwaclah yohk sin mwet sahyac kuh in kahsruh kuht etuh fuhkah in kuhlwacnsap elos. Kuht kuh in pruhe ke kolyuck in etuh ma kuht kuh in oruh in kahsruh.

mwet oracni fahko

Akacsruhi Ma Lasr

Kuht kuh in kuhlwacnsapuh mwet sahyac ke kuht akacsruhi ma God El akinsewowoyekuhtkac. Nuh ke srihkasrak, kuht kuh in sukohsohk in sang mwe sang luhn lalo kuh sang nuh ke Humanitarian Aid fund luhn Alu uh. Kuht kuh pac in kuhlwacnsap ke mura lasr ac ke kunohkohn luhn Alu lasr.

Kunohkohn luhn Mwet Kol luhn Alu uh

Pisap uh pa liyacacng mwe enenuh luhn mwet ke ward lal. El kuh in orekmakihn mani sin mwe sang luhn lalo in kahsruh mempucr ke mwe enenuh la. Mwet kol sahyac, oacna mwet in kahsruh lal ac Rilif Sosaiti ac prestuhnsi luhn u in elder, kahsruh mempucr konwacack mwe kahsruh elos kuh in orekmakihn in sun mwe enenuh lalos.

Mukwikwi luhn Alu uh in Kahsruh Mwet Suc Enenuh

Alu uh kahsruh mwet fin facluh nohfohn in kahsruh ke ongaiyac, orekma in kahsruh mura, ac mukwikwi sahyac oacna kof nwacsnwacs ac fakfuhk ke mas. In etwaclah yohk, liye Dallin H. Oaks, “Helping the Poor and Distressed,” Liahona, Nov. 2022, 6–8.

Ke Ma Suhmuhslah

“God El lungse el su insewowo in sang” (2 Corinthians 9:7).

Kuht luti tuhlihk nahtuhsr in sang kahsruh nuh selos suc enenuh (liye Mosiah 4:15–16).

Kuht ahkenganye mwet sahyac ac kahsruh akacsruhi ma toasr lalos (liye Mosiah 18:8–9).

Kahs in Esamyuck

Kunohkohn: kunohkohn se in kuhlwacnsap ke Alu uh. Mwet kol ke Alu uh suk kolyuck in etuh lah suc Leum El kena elos in pahngonyuck.

Mwe sang luhn lalo: mani ma kuht sang nuh sin Alu uh ke kuht lalo, luhpan mani se ma oacna sie nuh ke molin mongo ke pacl in lalo sacn.

Kuh in sifacna: kuh in karihngihn mwe enenuh lasr sifacna ac luhn sucu lasr.

Sokwack Kuhtuh Pac

Fin oasr kihsensiyuck lom ke karihngihn elos suc enenuh, kom kuh in sramsram nuh sin tamuhlwel ac tahmtahel in kahsruh luti, mwet kol ke ward kuh pracns, kuh misinacri ma. Kom kuh konwacack pac sramsram luhn toeni luhlahp ke sifac se inge ac mwe kahsruh sahyac ke Gospel Library ah (ke ChurchofJesusChrist.org kuh ke mobile app).

© 2023 sin Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac nuh ke English: 6/19. Ahkkweyeyucklac ke lweng: 6/19. Luhngasyucklac luhn Monthly Liahona Message, September 2023. Language. 19047 868