Go Tlhokomelang Bao ba ba Tlhokang

Jaaka Maloko a Kereke ya ga Jeso Keresete ya Baitshepi ba Malatsi a Bofelo, re sala morago dithuto tsa Morena go tlhokomela bao ba ba tlhokang. Re tlhokomela ba bangwe ka go ba direla, go ba thusa go nna boipelego, le go abelana se re nang le sone.

Sekao sa ga Jeso Keresete

Jeso Keresete o ne a rata, a gomotsa, mme a rapelela bao ba ba mo dikaganyeditseng. O ne a “tsamaya a dira molemo” (Ditiro 10:38 Re ka sala morago sekao sa Gagwe ka go rata, go gomotsa, go direla, le go rapelela ba ba re dikaganyeditseng. Re ka nna re batla ka metlha ditsela tsa go thusa ba bangwe.

Go direla

Lefoko go direla le dirisiwa mo dikwalong tse di boitshepo le mo Kerekeng ya Morena go tlhalosa ka fa re tlhokomelanang ka teng. Ba ba nang le boperesiti ba abelwa go nna bakaulengwe ba ba direlang motho mongwe le mongwe kgotsa lelwapa mo wateng kgotsa lekala. Bokgaitsadi ba ba direlang ba abelwa mosadi mongwe le mongwe yo o godileng. Bakaulengwe le boikgaitsadi ba ba direlang ba tlhomamisa gore maloko otlhe a Kereke a a gakologelwa le go tlhokomelwa.

Go Thusa ba Bangwe gore ba Nne Boipelego

Re ka thusa ba maloko a malwapa le ditsala go nna boipelego ka go ba rotloetsa go bona ditharabololo tsa nako e telele tsa mathata a bone. Re ka ba ema nokeng jaaka ba dira go fitlhelela maikaelelo a bone. Bona tshedimosetso e e oketsegile ka boipelego mo Liahona ya Phatwe 2023 mekwalana ya Metheo ya Efangele

Go Direla ba bangwe

Go na le ditsela tse dintsi tse re ka direlang ba ba re dikaganyeditseng ka tsone le go ba thusa go fitlhelela matlhoko a bone a lobaka lono fela a semowa, le a maikutlo. Go ithuta ka ba bangwe go ka re thusa go itse ka fa re ka ba direlang ka teng botoka. Gape re ka rapelela kaelo ya go itse gore re ka dira eng go thusa.

Go Abelana Se Re Nang Le Sone

Re ka direla ba bangwe ka go abelana se Modimo a re segofaditseng ka sone. Sekai, re ka aba ka bopelontle ditshupelo tsa go ikitsa dijo kana go abela letlole la Kereke la Humanitarian Aid. Gape re ka direla mo mafelong a rona a boagedi le mo dipitsongtsa rona tsa Kereke.

Ditiro tsa Baeteledipele ba Kereke

Bishopo o okamela tlhokomelo ya bao ba ba tlhokang mo wateng ya gagwe. O ka dirisa madi go tswa mo ditshupelong tsa go iktsa dijo go thusa maloko a a nang le letlhoko. Baeteledipele ba bangwe, go akaretsa bagakolodi ba gagwe le boporesidente ba Mokgatlho wa Thuso le Khoramo ya Bagolwane, ba thusa maloko go bona didirisiwa tse ba ka di dirisang go fitlhelela matlhoko a bone.

Maiteko a Kereke a Humanitarian

Kereke e thusa batho botlhe lefatshe ka bophara ka thuso a potlako, ditiro tsa motse, le mananeo a mangwe jaaka metsi a a phepa le go kentiwa. Go ithuta go feta, bona Dallin H. Oaks, “Helping the Poor and Distressed,” Liahona, Ngwanatsele 2022, 6-8.