UMyalezo waNyanga zonke we Liyahona yangoSepthemba 2023

Ukunakekela labo Abaswele

uJesu elapha abantu

He Healed Many of Diverse Diseases [Waphilisa Abaningi Abaphethwe Yizifo Ezahlukene], ngu–J. Kirk Richards, kungakopishwa

Njengamalunga eBandla likaJesu Kristu labaNgcwele beziNsuku zokuGcina, silandela imfundiso yeNkosi yokunakekela labo abaswele. Sikhathalela abanye ngokubasiza, ukubasiza ukuba bazimele, futhi sabelane nabo lokhu esinakho.

Isibonelo sikaJesu Kristu

UJesu Kristu wayebathanda, ebaduduza, futhi ebathandazela labo ababeseduze Naye. “Wahamba enza umusa” (Izenzo 10:38). Singalandela isibonelo Sakhe ngokuthanda, ukududuza, ukusiza, kanye nokuthandazela labo abase duze kwethu. Singahlala njalo sifuna izindlela zokusiza abanye.

abantu ababili behamba

Ukusizana

Igama elithi ukusizana lisetshenziswa emibhalweni engcwele naseBandleni leNkosi ukuchaza ukuthi sinakekelana kanjani. Abaphathi bobupristi babelwa njengabafowethu abasizayo ukuba basize umuntu ngamunye noma umndeni ewadini noma egatsheni. Odade abasizayo babelwa owesifazane ngamunye omdala. Abafowethu nodadewethu abasizayo baqinisekisa ukuthi wonke amalungu eBandla ayakhunjulwa futhi anakekelwe.

abantu abatshala izithombo

Ukusiza Abanye Bazimele

Singasiza amalunga omndeni nabangane ukuba bazimele ngokubakhuthaza ukuba bathole izixazululo zesikhathi eside ezinkingeni zabo. Singabe sesibeseka njengoba besebenzela ukufeza izinhloso zabo. Thola ulwazi olwengeziwe mayelana nokuzimela kwi Liyahona ka-Agasti 2023 kwi- athikili yeZisekelo zeVangeli.

Sebenzela abanye

Ziningi izindlela esingasiza ngazo labo abasizungezile futhi sisize ukuhlangabezana nezidingo zabo zenyama, zomoya, kanye nezemizwa. Ukufunda ngabanye kungasisiza sazi ukuthi singabasiza kanjani kangcono. Singathandazela ukuholwa umoya ukuze sazi ukuthi yini esingayenza ukuze sisize.

abantu bebutha izithelo

Ukwabelana Ngalokho Esinakho

Singasiza abanye ngokwabelana ngalokho uNkulunkulu asibusise ngakho. Isibonelo, singanikela ngeminikelo yokuzila ukudla noma sinikele esikhwameni seBandla Sosizo Lokusiza Abantu. Singakwazi futhi ukusiza emphakathini wethu kanye nakubizo lwethu lwaseBandleni.

Imisebenzi Yabaholi beBandla

Umbhishobhi wengamela ukunakekela labo abadinga usizo ewadini yakhe. Angasebenzisa imali yeminikelo yokuzila ukudla ukusiza amalungu anezidingo. Abanye abaholi, okuhlanganisa abeluleki bakhe kanye nomongameli beNhlangano yokuSiza nomgwamanda wamagosa, basiza amalungu ukuba athole izinsiza abangazisebenzisa ukuhlangabezana nezidingo zabo.

Imizamo Yokusiza Yebandla

IBandla lisiza abantu emhlabeni wonke ngezimpendulo eziphuthumayo, izinhlelo zomphakathi, nezinye izinhlelo ezifana namanzi ahlanzekile kanye nokugoma. Ukuze ufunde kabanzi, bona inkulumo ya-Dallin H. Oaks, “Ukusiza Abampofu nabaKhathazekile,” ILiyahona, ngoNovemba 2022, 6–8.

Okuvela emibhalweni engcwele

“UNkulunkulu Uyamthanda Onikelayo Ethokoza” (2 kwabaseKorinte 9:7).

Sifundisa abantwana bethu ukuthi basize labo abaswele (bona uMosiya 4:15–16).

Siduduza abanye futhi sibasize bathwale imithwalo yabo (bona Mosiya 18:8–9).

Amagama okufanele Uwakhumbule

Ubizo: isibopho esithile sokusiza eBandleni. Abaholi bebandla bathandazela intshisekelo ukuze bazi ukuthi iNkosi ifisa ukuba bakhethe bani.

Umnikelo wokuzila ukudla: imali esinikela ngayo eBandleni uma sizila ukudla, okungenani ilingane nenani ebesiyoyisebenzisa ekudleni ngesikhathi sokuzila.

Ukuzimela: ukukwazi ukunakekela izidingo zethu nezemindeni yethu.

Thola Olunye Ulwazi

Uma unemibuzo ngokunakekela labo abaswele, ungakhuluma nabafowenu noma odade abasizanayo, abaholi bewadi noma begatsha lakho, noma abefundisi. Ungathola futhi izinkulumo zengqungquthela jikelele ngalesi sihloko kanye nezinye izinsiza kuMthombo woLwazi lweVangeli (ku ChurchofJesusChrist.org noma kwi-mobile app).

© 2023 by Intellectual Reserve, Inc. All rights reserved. Ishicilelwe eMelika. Usuku okuvunywe ngalo ukuba lesi sifundo sikhishwe ngesiNgisi: 6/19. Usuku okuvunywe ngalo ukuba lesi sifundo sihunyushwe: 6/19. Ukuhunyushwa kwe Monthly Liahona Message, September 2023. Language. 19047 783