Bosoom bosoom Liahona Amandzɛɛbɔ, Ɔbɛsɛ 2023

Jesus Christ N’Asɔr no ne Nhyehyɛɛ

Jesus Christ ho nsaano mfonyin

Ewuradze Jesus Christ, Del Parson yɛɛ nsaano mfonyin no

Jesus Christ N’asɔr a ɔwɔ hɔ ma Nda a Odzi Ekyir Ahotseweefo no ne tsir nye Jesus Christ. Okenyan nkɔnhyɛfo na asomafo ma wodzi Asɔr no kan ndɛ, dɛ mbrɛ Ɔyɛɛ no wɔ Ahyɛmu Fofor mber mu no. Asɔr baanodzifo binom boa hɔn.

Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no yɛ Agyenkwa no N’Asɔr. Wɔdze “esi asomafo nye nkɔnhyɛfo no fapem do a Christ Jesus nankasa nye kutuwdo-bo tsitsir” (Ephesusfo 2:20). Iyi kyerɛ dɛ Ɔno nye ɔfã tsitsir a ɔwɔ fapem no mu. Odua nkɔnhyɛfo na asomafo a Oeyi hɔn dɛ wondzi baano do dze ma Asɔr no kwankyerɛ.

President a Odzi Kan na n’Apamfo

President a Odzi Kan na n’Apamfo no

Asɔr no ne President nye Nyankopɔn No nkɔnhyɛnyi wɔ asaase do ndɛ. Ɔno nye Ɔsomafo panyin no na nyimpa kortoo wɔ asaase do a ɔgye nyikerɛ dze ma Asɔr mu no nyina kwankyerɛ. Ewuradze kenyan no ma ohu Asomafo hɔn mu beenu a ɔmfrɛ hɔn ma wɔnsom dɛ n’apamfo. Wɔbɔ mu yɛ President a Odzi Kan na n’Apamfo. Megye dase dɛ hɔn baasa no nyina yɛ nkɔnhyɛfo, adzehufo, na nyikyerɛfo.

Asomafo Duebien no hɔn Quorum

Asomafo Duebien no hɔn Quorum kuw mba so yɛ nkɔnhyɛfo, adzehufo, na nyikyerɛfo. Wɔfrɛ hɔn dɛ wɔmbɛyɛ Jesus Christ n’adasefo soronko. Wotu kwan kɔ wiadze nyina mu kɛkyerɛkyerɛ No ho nsɛm na wɔgye No ho dase. (Hwɛ Nkyerɛkyerɛ na Ahyɛmudzi 107:23, 33.)

Eduosuon no hɔn Quorum horow

Eduosuon no hɔn Quorum horow mu kuw mba no so wɔfrɛ hɔn dɛ wɔmbɛyɛ Jesus Christ n’adasefo (hwɛ Nkyerɛkyerɛ na Ahyɛmudzi 107:25). Wɔboa Asomafo Duebien no hɔn Quorum ma wɔkyerɛkyerɛ asɛmpa no na wɔkyekyer Asɔr no wɔ wiadze nyina mu.

baanodzifo a wɔabɔ mu refa apam

Machiko Horii twaa mfonyin no

Sɔn mu Banodzifo

Wo stake anaa nkorbata presidency, bishopric anaa nkorbata presidency, na elderfo quorum na Relief Society presidencyfo so Nyankopɔn na Ɔafrɛ hɔn. Wobotum aboa wo ma eesũa na edze asɛmpa no abɔ bra. Ibotum esũa dɛm ɔfrɛ horow yinom ho nsɛm wɔ Ebɔw 2022 Asɛmpa Ahyɛse Nkyerɛkyerɛ asɛm, “Erosom wɔ Asɔr Ɔfrɛ Horow mu” mu.

Fi Kyerɛwsɛm no mu

Nkɔnhyɛfo na asomafo dzi hɛn kan kɔ Jesus Christ hɔ (hwɛ Ephesusfo 4:11–13).

President a Odzi Kan na n’Apamfo no, Duebien no, nye Eduosuon no na wɔbɔmu yɛ quorumfo banodzifo no wɔ Asɔr no mu. (hwɛ Nkyerɛkyerɛ na Ahyɛmudzi 107:21–35).

© 2023 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, October 2023. ne nkyerɛasee Language. 19048 502