“Fa Sunsum no yɛ Wo Kwankyerɛfo,” Ma Mbabun Enya Ahoɔdzen, Ɔbɛsɛ 2023.
Bosoom bosoom For the Strength of Youth Amandzɛɛbɔ, Ɔbɛsɛ 2023
Fa Sunsum no yɛ Wo Kwankyerɛfo
Fi Ebɔbira 2017 wiadze mfɛndzanan ehyiadzi kasabi mu.
Nna hɛn Egya a ɔwɔ Sor nyim dɛ ɔnnkyebo asetsena mu no yebehyia ɔhaw, abɛbrɛsɛ, na begyabegyayɛ; nna Onyim dɛ yebedzi aper wɔ nsɛmbisa ho, abagura, nsɔhwɛ, na mberɛwyɛ ho. Ama yeenya honandua mu ahoɔdzen na ɔsor akwankyerɛ no, Ɔdze Sunsum Krɔnkrɔn no mae.
Ɔnam dwumadzi krɔnkrɔn do, Sunsum no kenyan, gye dase, kyerɛkyerɛ, na okenyan hɛn dɛ yɛnnantsew Ewuradze ne kan no mu. Yɛwɔ asodzi krɔnkrɔn dɛ yebosũa dɛ yebohu Ne nhyɛdo wɔ hɛn abrabɔ mu na yedzi do.
Yesi dɛn yɛ dɛm?
Odzi kan, yɛbɔ mbɔdzen bɔ bra a ɔfata Sunsum no.
Otsĩa ebien, otwar dɛ yenya pɛ dɛ yɛbɛgye Sunsum no.
Otsĩa ebiasa, otwar dɛ yehu ber a Sunsum no ba.
Otsĩa anan, otwar dɛ yedzi nkenyan a odzi kan ba no do.
Hom ma yɛngye Ewuradze Ne frɛ dɛ “hom enyi ngye, osiandɛ mibedzi hom kan” no nto mu enyiberdo (Nkyerɛkyerɛ na Ahyɛmudzi 78:18). Ɔnam Sunsum Krɔnkrɔn no do dzi hɛn kan. Hom ma yɛmbɔ bra mbɛn Sunsum no, a yeridzi hɛn nkenyan a odzi kan ba do ntsɛmara a, yenyim dɛ ofi Nyankopɔn hɔ ba. Megye dase wɔ Sunsum Krɔnkrɔn no tum ho dɛ ɔkyerɛ hɛn kwan, ɔweɔn hɛn, na ɔnye hɛn wɔ hɔ daa.
© 2023 by Intellectual Reserve, Inc. All rights reserved. Wotsimtsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly For the Strength of Youth Message, October 2023 ne nkyerɛase. Language. 19048 502